Xızı rayonunda aptek və yanacaqdoldurma məntəqəsinin olmaması sakinləri narahat edir. Onlar dərman almaq üçün ya Sumqayıt, ya da Bakı şəhərinə getmək məcburiyyətində qalırlar. Avtomobili olanlar isə yanacaq üçün 60 km yol sürməlidirlər.
REALPRESS.Az Xezerxeber.az-a istinadən məlumat verir ki, rayonun 16 min 495 nəfər əhalisi var. İyirmi beş kənd, bir şəhər və üç qəsəbəsi olan rayonda bir çox zəruri ehtiyacların təmin olması mümkün deyil.
Xızıda aptek yalnız xəstəxanada var. Rayon mərkəzi xəstəxanasının baş həkimi Bektaş Nəbiyev bildirib ki, tibb ocağında yalnız Səhiyyə Nazirliyinin təşkil etdiyi dövlət apteki fəaliyyət göstərir ki, burada olan dərmanlar da xəstəxanaya müraciət edən xəstələr üçündür.
Rayonda sürücülər də əziyyət çəkir. Yanacaqdoldurma məntəqəsi olmadığına görə, onlar avtomobilə yanacaq vurmaq üçün 60 km əlavə yol sürməlidirlər.
İcra hakimiyyətindən bildiriblər ki, iki il əvvələ kimi burada aptek olub. Lakin sahibkar buradan gəlir götürə bilmədiyinə görə apteki bağlayıb. Rayonda aptek və yanacaqdoldurma məntəqəsi açmaq istəyən sahibkarlara icra hakimiyyəti tərəfindən köməklik göstəriləcək.
Azərbaycanda sentyabrın 7-nə gözlənilən hava proqnozu açıqlanıb.
Müdafiə naziri general-polkovnik Zakir Həsənov və müdafiə nazirinin müavini - Quru Qoşunların komandanı general-leytenant Hikmət Mirzəyev şərti sərhəd istiqamətində dislokasiya olunan bölmələrin hazırlığını yoxlayıb.
Bu gün Şuşada Beynəlxalq Qastronomiya Günü başlayıb.
