Bu il sahibkarlıq subyektlərinə 150 milyon manatadək güzəştli kreditin verilməsi planlaşdırılır

Bu il sahibkarlıq subyektlərinə 150 milyon manatadək güzəştli kreditin verilməsi planlaşdırılır
05 2017 15:21

Sahibkarlığa Kömək Milli Fondunun (SKMF) xətti ilə 2017-ci ildə də iş adamlarının güzəştli kreditlərlə təmin edilməsi nəzərdə tutulur.

AZƏRTAC xəbər verir ki, müvafiq layihələrini təqdim edən iş adamları, əsasən də regionlarda yaşayan fermerlər dövlətin güzəştli kreditləri ilə təmin olunacaq. Bu il minimum 150 milyon manata qədər güzəştli kreditin verilməsi planlaşdırılıb. Ödəniləcək vəsait bu vaxtadək verilən kreditlərdən geri qaytarılan maliyyə mənbələri hesabına təmin ediləcək. Bunun üçün sahibkarlarla daha intensiv iş aparılır.

Qeyd edək ki, ötən il 2500-ə yaxın sahibkarlıq subyektinin investisiya layihəsinin maliyyələşdirilməsinə 190 milyon manat güzəştli kredit verilib. Bu kreditlər hesabına maliyyələşdirilən layihələrin reallaşdırılması 8100-dən çox yeni iş yerinin açılmasına imkan yaradır. Güzəştli kreditlərin 74 faizi respublikanın regionlarının, 26 faizi isə Bakı şəhəri və onun qəsəbələrinin payına düşür. Verilən kreditlərin 82,3 faizi aqrar sektorun, 17,7 faizi sənaye və digər sahələrin inkişafına yönəldilib. Güzəştli kreditlər müasir heyvandarlıq və istixana kompleksləri, logistik mərkəzlər, ixtisaslaşdırılmış "yaşıl market", çörək zavodları, iri fermer, quşçuluq və intensiv bağçılıq, pambıqçılıq, zeytunçuluq və tütünçülük təsərrüfatları, ət və süd, meyvə-tərəvəz məhsullarının emalı, ət kəsimi, un və un məmulatları, balıq yemi, mətbəx və məişət malları, mebel, tara, tikinti materiallarının istehsalı və s. sahələr üzrə layihələrin maliyyələşdirilməsinə yönəldilib.

Ümumiyyətlə, SKMF-nin fəaliyyəti dövründə ölkə üzrə sahibkarlıq subyektlərinin dövlətin güzəştli kreditləri ilə təmin olunmasına 2 milyard manat vəsait xərclənib.


21 Okt 2021
İqtisadiyyat

Dünya bazarlarında təbii qaz ucuzlaşıb

Nyu-Yorkun NYMEX əmtəə birjasında təbii qaza olan fyuçers kotirovkalarının qiyməti azalıb.

20 Okt 2021
İqtisadiyyat

Xarici valyutaların manata qarşı məzənnələri

Azərbaycan Mərkəzi Bankı 20 oktyabr tarixindən etibarən valyuta məzənnələrini açıqlayıb.

19 Okt 2021
İqtisadiyyat

Dünya bazarlarında təbii qaz ucuzlaşıb

Nyu-Yorkun NYMEX əmtəə birjasında təbii qaza olan fyuçers kotirovkalarının qiyməti azalıb.