Bosniya və Herseqovina Rəyasət Heyətinin Sədri: Qlobal Bakı Forumu müasir dövrün aktual problemlərinin həllini təklif edir (ÖZƏL)

Bosniya və Herseqovina Rəyasət Heyətinin Sədri: Qlobal Bakı Forumu müasir dövrün aktual problemlərinin həllini təklif edir (ÖZƏL)
13 2017 10:36

Bosniya və Herseqovina Azərbaycanı dost ölkə hesab edir və iki ölkə arasında çox yaxşı siyasi münasibətlər yaranıb.

Bunu Trend-ə müsahibəsində Bosniya və Herseqovina Rəyasət Heyətinin Sədri Mladen İvaniç V Qlobal Bakı Forumunda iştirak etmək üçün Azərbaycan paytaxtına səfəri ərəfəsində deyib.

O, Azərbaycanın hər zaman Bosniya və Herseqovinaya kömək etdiyini və Sarayevoda tikintisi Azərbaycan tərəfindən maliyyələşdirilmiş parka və digər layihələrə görə dərin minnətdarlığını bildirib:

“Hazırda Kotor Varoş şəhərində Təcili Tibbi Yardım Mərkəzinin yeni binası tikilir (Heydər Əliyev Fondunun dəstəyi ilə - red.) ki, bu da Bosniya və Herseqovinada sırf vətəndaşlarımız üçün olan azsaylı layihələrdən biridir”.

Rəyasət Heyətinin Sədri həmçinin qeyd edib ki, Azərbaycan Bosniya və Herseqovinada iki mühüm iqtisadi layihəyə investisiya yatırıb: “Srebrenitsada yüzə yaxın insan çalışır, Doboyda isə meyvə-tərəvəz emalı zavodunda bir neçə yüz insanın çalışacağı gözlənilir”.

M.İvaniç bildirib ki, hazırda Azərbaycandan olan nümayəndələrlə Avropanın Bosniya və Herseqovinadan keçən "VC Dəhlizi" avtomobil magistralının tikintisi ilə bağlı danışıqlar aparılır.

Avropanın enerji təhlükəsizliyinin təmin olunmasında "Cənub Qaz Dəhlizi"nin əhəmiyyəti

M.İvaniç deyib ki, enerji tədarükü bütün Avropa ölkələri üçün əsas məqsədlərdəndir və bu kontekstdə “Cənub Qaz Dəhlizi” böyük əhəmiyyət kəsb edir:

“Bosniya və Herseqovinanın Xarici Ticarət və İqtisadi Əlaqələr Nazirliyi aydın şəkildə bəyan edib ki, ölkə alternativ qaz təchizatı sistemində maraqlıdır”.

Sədr bildirib ki, bütün Qərbi Balkan ölkələri bu məsələdə dəqiq mövqe nümayiş etdirməlidir.

Bosniya və Herseqovinanın Böyük İpək Yoluna qoşulması perspektivləri

M.İvaniç deyib ki, Böyük İpək Yolu layihəsinə gəldikdə, Bosniya və Herseqovina Sarayevo-Belqrad dəmir yolunun modernləşdirilməsində maraqlıdır.

Azərbaycanla iqtisadi əməkdaşlığın inkişaf perspektivləri

M.İvaniçin sözlərinə görə, Bosniya və Herseqovina ilə Azərbaycan arasında yaxşı ikitərəfli münasibətlər daha yaxşı iqtisadi və işgüzar əməkdaşlıq üçün yol açıb:

"Azərbaycanla xüsusilə maşınqayırma, elektrotexnika sənayesi, energetika, tikinti və əczaçılıq sənayesi sahələrində ticari əməkdaşlıq üçün potensial mövcuddur".

Sədr bildirib ki, Azərbaycanı səfiri 2017-ci ildə ikitərəfli biznes-forumun təşkil olunması mümkünlüyünü öyrənmək üçün Bosniya və Herseqovinaya səfər etməlidir.

Onun sözlərinə görə, “VC Dəhlizi”nin tikintisi üzrə əməkdaşlıq və hava nəqliyyatının işə salınması üçün imkanların axtarışı barədə fikirlər də səsləndirilib.

Bosniya və Herseqovinanın Dağlıq Qarabağ münaqişəsi ilə bağlı mövqeyi

Sədr qeyd edib ki, Bosniya və Herseqovina Dağlıq Qarabağ probleminin həllinə yönəlmiş çoxtərəfli fəaliyyəti, o cümlədən ATƏT-in Minsk qrupunun fəaliyyətini və ərazi bütövlüyü və suverenliklə bağlı məsələlərdə Azərbaycanın mövqeyini dəstəkləyir.

O xatırladıb ki, 2013-cü ilin yanvarında Bosniya və Herseqovina Parlament Assambleyasının Nümayəndələr Palatası, 2013-cü ilin fevralında isə Xalqlar Palatası (Yuxarı palata) Azərbaycanın suverenliyi və ərazi bütövlüyünə ehtiram və dəstək barədə qətnamə qəbul etmişdi və bu qətnamə Azərbaycanda müsbət qarşılanmışdı.

Qlobal Bakı Forumu

M.İvaniç deyib ki, Qlobal Bakı Forumu bu tip forumlar arasında ən vaciblərdən biridir.

Onun sözlərinə görə, bu forum görkəmli siyasətçiləri, indiki və keçmiş prezidentləri, baş nazirləri, nazirləri və bütün dünyadan ziyalıları birləşdirir:

"Forumun əsas mövzuları həqiqətən də qlobaldır və müasir dünya üçün aktualdır. Müzakirələr zamanı irəli sürülən təkliflər və qərarlar müasir dünyanın gələcəkdə qarşılaşacağı çağırışlara cavab verməyə imkan yaradacaq".

Rəyasət Heyətinin Sədri qeyd edib ki, o, həmişə Qlobal Bakı Forumunun işində iştirak etməyə çalışıb.


25 Sent 2020
Siyasət

İlham Əliyev: “Ermənilərə beynəlxalq təzyiqin olmaması çox təhlükəli addımlara gətirib çıxarır”

“Ermənilər faktiki olaraq, beynəlxalq hüquq normalarına tamamilə məhəl qoymurlar və cinayət törədirlər. Onların bu cür davranmaq imkanında olmasının səbəbi ondan ibarətdir ki, onları dayandıran yoxdur. Minsk qrupunun həmsədrləri onları dayandırmır”.

25 Sent 2020
Siyasət

Prezident: “İşğal olunmuş ərazilərdə qondarma hərbi təlimlərin təşkili bizə qarşı daha bir təxribatdır”

“Ermənilərin danışıqlar prosesini bilərəkdən pozmasının daha bir göstəricisi Dağlıq Qarabağdan olan separatçıları danışıqlar prosesinə cəlb etmək üçün ardıcıl səyləri göstərməsi idi. Bu da tərəfimizdən dərhal rədd edilmişdir və Minsk qrupunun həmsədrləri tərəfindən dəstəklənməmişdir. Başqa sözlə, onlar artıq uzun illərdir ki, mövcud olan danışıqların formatını dəyişmək istəyirdilər”.

25 Sent 2020
Siyasət

İlham Əliyev: “Minsk qrupunun həmsədrləri erməniləri dayandırmır”

“Sözsüz ki, Azərbaycanın qədim tarixi şəhəri olan Şuşada cinayətkar xunta rejiminin qondarma liderinin dırnaqarası andiçmə mərasimini təşkil etmək qərarı onların qəsdən etdiyi daha bir təxribatdır”.

25 Sent 2020
Siyasət

Dövlət başçısı: “Ermənistanın hərbi təxribatlarına görə vəziyyət mənfi məcraya doğru gedir”

“Əfsuslar olsun ki, region daha təhlükəsiz bir məkana çevrilməyib. Təəssüf ki, vəziyyət mənfi məcraya doğru gedir. Bu da, əsasən, Ermənistanın Azərbaycana qarşı davamlı hərbi təxribatlarına görə baş verir”.

25 Sent 2020
Siyasət

İlham Əliyev: “Bütün məsuliyyət Ermənistanın üzərindədir”

“Bir müddət əvvəl sərhəddən ordumuz çıxarılıb və indi Ermənistanla dövlət sərhədinin böyük bir hissəsi sərhəd xidməti tərəfindən mühafizə olunur. Bu, bizim Ermənistanla dövlət sərhədində heç bir hərbi niyyətlərimizin olmadığını göstərir.