Boris Conson: Böyük Britaniya Azərbaycan ilə əməkdaşlığa böyük əhəmiyyət verir

Boris Conson: Böyük Britaniya Azərbaycan ilə əməkdaşlığa böyük əhəmiyyət verir
14 2017 09:43

Azərbaycan Respublikası və Böyük Britaniya və Şimali İrlandiya Birləşmiş Krallığı arasında diplomatik münasibətlərin qurulmasının 25 illiyi münasibətilə iki ölkənin xarici işlər nazirləri arasında təbrik məktubu mübadiləsi həyata keçirilib.

Azərbaycan XİN-dən AZƏRTAC-a bildirilib ki, nazir Elmar Məmmədyarov Böyük Britaniyadan olan həmkarına ünvanladığı məktubunda ölkələrimizin ötən illər ərzində xalqlarımız üçün qarşılıqlı fayda verən möhkəm və konstruktiv dialoq qurmağa nail olduğunu qeyd edib. Beynəlxalq sülhün və təhlükəsizliyin qorunmasında ölkələrimizin yaxın əməkdaşlığının davam etdiyini bildirib.

Nazir Elmar Məmmədyarov Azərbaycan ilə Böyük Britaniyanın iqtisadi sahədə əlaqələri, xüsusilə BP şirkətinin Bakı-Tbilisi-Ceyhan neft və Bakı-Tbilisi-Ərzurum qaz boru kəmərləri kimi regional enerji layihələrində iştirakının ikitərəfli əməkdaşlığın əsas sütununu təşkil etdiyini bildirib. E.Məmmədyarov, həmçinin ikitərəfli siyasi dialoq və hökumətlərarası birgə iqtisadi komissiya daxil olmaqla, yeni dialoq formatlarının Azərbaycan ilə Böyük Britaniya arasında əməkdaşlığın daha da dərinləşməsinə xidmət edəcəyinə əminliyini vurğulayıb.

Böyük Britaniya xarici işlər naziri Boris Conson azərbaycanlı həmkarı Elmar Məmmədyarova ünvanladığı məktubunda ölkəsinin ötən 25 il ərzində Azərbaycan ilə əməkdaşlığa böyük əhəmiyyət verdiyini bildirib. 2017-ci ilin ölkələrimiz arasında ikitərəfli əməkdaşlıq baxımından önəmli il olduğunu vurğulayan B.Conson Azərbaycan ilə Böyük Britaniyanın enerji sahəsində əməkdaşlığından məmnun olduğunu qeyd edib.

O, həmçinin ölkəsinin Ermənistan-Azərbaycan, Dağlıq Qarabağ münaqişəsinin sülh yolu ilə həll edilməsi istiqamətində ATƏT-in Minsk qrupu həmsədrlərinin fəaliyyətini dəstəkləməkdə davam etdiyini vurğulayıb.

Britaniyalı nazir iki ölkə arasında qarşılıqlı maraq doğuran müxtəlif sahələr üzrə əlaqələrin daha da dərinləşdirilməsi və əməkdaşlığın davamlı olacağına əminliyini ifadə edib.


28 May 2024
Siyasət

Kamaləddin Qafarov: “Azərbaycan bu gün Cənubi Qafqazda sülhün əsas qarantıdır”

“ Ölkəmiz Şərqin ilk demokratik dövləti olan Azərbaycan Xalq Cümhuriyyəti (AXC) yaranmasının 106-cı ildönümünü qeyd edir. 1918-ci il may ayının 28-də istiqlaliyyətini elan edən Cümhuriyyət şanlı dövlətçilik tariximizi müstəsna dərəcədə zənginləşdirmişdir. Azərbaycan Xalq Cümhuriyyətinin yaranması, milli dövlətçiliyin bərpası, Azərbaycanın müstəqilliyi uğrunda mübarizənin başlanması düşmənlərin planlarını pozmuş oldu. May ayının 28-də Azərbaycan Xalq Cümhuriyyətinin qəbul etdiyi Konstitusiya aktı statusuna malik olan ilk hüquqi sənəd – İstiqlal Bəyannaməsində müstəqil Azərbaycan dövlətinin yarandığı bəyan olundu, onun hakimiyyətinin şamil edildiyi ərazinin hüdudları müəyyənləşdirildi və dövlətin əsas fəaliyyət prinsipləri öz əksini tapdı.”

27 May 2024
Siyasət

Azərbaycanda seçicilərin sayı açıqlanıb

Azərbaycanda səsvermə hüququ olan 6 milyon 326 min 764 şəxs var.

27 May 2024
Siyasət

İlham Əliyev və Mehriban Əliyeva "Crescent Mall" ticarət mərkəzinin açılışında iştirak ediblər

Azərbaycan Respublikasının Prezidenti İlham Əliyev və birinci xanım Mehriban Əliyeva mayın 27-də Bakıda “Crescent Bay” layihəsinin təqdimatı və “Crescent Mall” ticarət mərkəzinin açılışında iştirak ediblər.

27 May 2024
Siyasət

İlham Əliyevə təbrik məktubları gəlməkdə davam edir

Fələstin Dövlətinin Prezidenti, Fələstin Azadlıq Təşkilatı İcraiyyə Komitəsinin sədri Mahmud Abbas Azərbaycan Respublikasının Prezidenti İlham Əliyevə təbrik məktubu ünvanlayıb.

27 May 2024
Siyasət

Azərbaycanın mühüm təşəbbüsü

“Ölkə Prezidenti cənab İlham Əliyev bu il aprelin 26-da Almaniyanın paytaxtı Berlində “Euronews” telekanalına verdiyi müsahibəsində qlobal iqlim dəyişikliyi ilə bağlı məsələlərdə Azərbaycanın prinsipial mövqeyini bir daha ifadə etmişdir.