Binəqədidə Rumıniya Mədəniyyəti Günü ilə bağlı tədbir keçirilib

Binəqədidə Rumıniya Mədəniyyəti Günü ilə bağlı tədbir keçirilib
17 2017 10:57

Yanvarın 16-da Binəqədi rayonu ərazisində yerləşən dahi rumın bəstəkarı Corc Enescu adına parkda Rumıniyanın Mədəniyyəti Günü ilə bağlı tədbir keçirilib.

Bineqedi rayon İcra Hakimiyyetinin İctimai-siyasi ve humanitar meseleler sobesindən Trend-ə verilən məlumata görə, Mədəniyyət günü Rumıniyanın xalq şairi Mihai Emineskunun dünyaya gəlməsi ilə eyni gündə keçirilir. Bu tarixin Rumıniyanın mədəniyyət günü kimi seçilməsində xüsusi önəm var. Mihai Eminesku müasir rumın dilinin inkişafına verdiyi üstün töhfələrə görə, Rumıniya mədəniyyətinin “dan ulduzu” adlandırılaraq əsas simvol hesab olunur.

Keçirilən tədbirdə Binəqədi Rayon İcra Hakimiyyəti başçısının müavini Aygün Əliyeva, Rumıniyanın ölkəmizdə fövqəladə və səlahiyyətli səfiri Dan İanku, Binəqədi Rayon İcra Hakimiyyətinin İctimai-siyasi və humanitar məsələlər şöbəsinin müdiri Elman Dadaşov, Binəqədi Rayon İcra Hakimiyyətinin İctimai-siyasi və humanitar məsələlər şöbəsinin əməkdaşları Seymur Hacıyev və Emil Lətifov, Binəqədi Rayon İcra Hakimiyyəti başçısının 1 saylı qəsəbə inzibati ərazi dairələri üzrə nümayəndəsi Dilbər Şükürova, səfirliyin və Binəqədi Rayon bələdiyyəsinin əməkdaşları iştirak ediblər.

Əvvəlcə səfirliyin əməkdaşları və tədbir iştirakçıları tanınmış rumın bəstəkar Corc Enescunun Bakının Binəqədi rayonunda yerləşən abidəsi qarşısına əklil və çiçəklər qoyublar. Sonra Azərbaycan və Rumıniyanın dövlət himnləri səsləndirilib.

Tədbiri açıq elan edən Rumıniyanın Azərbaycandakı səfiri Dan İanku çıxışında tədbir iştirakçılarına tədbirin mahiyyətini izah edərək iki ölkə arasında olan dostluq münasibətlərindən danışıb. O deyib ki, Azərbaycanda Rumıniya Mədəniyyəti Gününün keçirilməsi iki dövlət arasında humanitar əlaqələrin inkişafı üçün böyük əhəmiyyətə malikdir. Səfir o cümlədən, təşkilatçılığa görə Binəqədi Rayon İcra Hakimiyyətinə təşəkkürünü bildirib.

Sonra çıxış edən Binəqədi Rayon İcra Hakimiyyəti başçısının müavini Aygün Əliyeva iki ölkə arasında olan dostluq münasibətlərindən danışaraq bu formada olan mədəni tədbirlərin vacibliyini, ölkələrimizin müxtəlif sahələrdə sıx əməkdaşlığını, xalqlarımızın uzun illərdir dostluq etdiyini, bir-birinin mədəniyyətinə və ənənələrinə hörmətlə yanaşdıqlarını qeyd edib.

Çıxışlardan sonra şairə Rumıniya səfirliyinin əməkdaşı Fəridə Hacıyeva Corc Eneskunun Azərbaycan dilinə tərcümə etdiyi şeirlərini səsləndirib. Tədbirin bədii hissəsi Azərbaycanda yaşayan rumın ailənin azyaşlı övladının səsləndirdiyi şeirlə bitib. Son olaraq abidənin önündə xatirə fotosu çəkdirilib.


29 Apr 2025
Cəmiyyət

Azərbaycan və Banqladeş XİN-ləri arasında siyasi məsləhətləşmələr keçirilib

Azərbaycan xarici işlər nazirinin müavini Elnur Məmmədovun rəhbərliyi ilə hökumət missiyası Banqladeşdə səfərdə olub.

29 Apr 2025
Cəmiyyət

Xocalı sakini: Yurd həsrətimizə son qoyulduğu üçün çox sevincliyik

Xocalı rayonunun Ballıca kəndinə köçürülən sakin yurd həsrətinə son qoyulduğu üçün sevincli olduqlarını deyib.

29 Apr 2025
Cəmiyyət

Azərbaycanda Vahid İnformasiya Sistemi yaradılacaq

Azərbaycanda Vahid İnformasiya Sisteminin yaradılması istiqamətində işlərə başlanılıb.

29 Apr 2025
Cəmiyyət

Xocalı sakini: Yurd həsrətimizə son qoyulduğu üçün çox sevincliyik

Xocalı rayonunun Ballıca kəndinə köçürülən sakin yurd həsrətinə son qoyulduğu üçün sevincli olduqlarını deyib.

29 Apr 2025
Cəmiyyət

Azərbaycanda elektrik enerjisi ilə bağlı xidmətlərin 83 %-i elektronlaşdırılıb

“Azərişıq” ASC-nin təqdim etdiyi xidmətlərdən 15-i elektron qaydada həyata keçirilir.