Bilik Fondunda Hikmət Babaoğlu ilə “İmzalı görüş” (FOTO)

Bilik Fondunda Hikmət Babaoğlu ilə “İmzalı görüş” (FOTO)
31 2017 09:21

Azərbaycan Prezidenti yanında Bilik Fondunun “Mədəni maarifləndirmə” proqramı çərçivəsində keçirilən “İmzalı görüş” layihəsi üzrə "Yeni Azərbaycan" qəzetinin baş redaktoru, Milli Məclisin deputatı, siyasi elmlər doktoru, yazıçı Hikmət Babaoğlu ilə görüş keçirilib.

Fondun İnformasiya təminatı sektorundan Trend-ə verilən məlumata görə, tədbirdə Bilik Fondunun icraçı direktoru Oktay Səmədov, “Səs” qəzetinin baş redaktoru Bəhruz Quliyev, Milli Məclisin üzvü Aydın Hüseynov, ASAN könüllülərinin bir qrupu, Yeni Azərbaycan Partiyasının Binəqədi və Nərimanov Rayon Gənclər Təşkilatlarının üzvləri iştirak ediblər.

Qonaqları salamlayan O.Səmədov Fondun “Mədəni maarifləndirmə” proqramı çərçivəsində gördüyü işlər barədə məlumat verib, “İmzalı görüş” layihəsi üzrə gənclərin yazarlarla təşkil olunmuş görüşlərindən danışıb. O.Səmədov deyib ki, yeniyetmələrin və gənclərin mütaliəyə marağını stimullaşdırmaq üçün onların çağdaş dövrün tanınmış simaları ilə görüşlərinin təşkili vacibdir.

Çıxış edənlər - “Səs” qəzetinin baş redaktoru B.Quliyev, Milli Məclisin üzvü A.Hüseynov H.Babaoğlunun jurnalist, politoloq, pedaqoq, yazar kimi yaradıcılığından danışıblar, qeyd olunub ki, oxucuların əsərlərin müzakirəsinə, belə tədbirlərdə fikir mübadiləsinə qatılması həm onların dünyagörüşünün inkişafına müsbət təsir göstərir, həm də yazarları və araşdırmaçıları yaradıcılığa sövq edir.

H.Babaoğlu son dövrlər yazdığı əsərlər barədə tədbir iştirakçılarına məlumat verib, gənclərin çoxsaylı suallarını cavablandırıb.

Sonda müəllif imzalı kitablarını görüş iştirakçılarına hədiyyə edib.

“İmzalı görüş” layihəsi çərçivəsində Milli Məclisin deputatı, yazıçı-publisist Aqil Abbas, yazıçı-publisist Rəşad Məcid, Xalq yazıçısı Çingiz Abdullayev, şair-tərcüməçi Səlim Babullaoğlu, uşaq yazarları Sevinc Nuruqızı, Aygün Bünyadzadə və Mehriban Nağıyeva ilə görüşlər keçirilib.


15 Apr 2021
Cəmiyyət

Akademik Zərifə Əliyevanın anım günüdür

Aprelin 15-i görkəmli oftalmoloq-alim, akademik Zərifə Əliyevanın anım günüdür.

15 Apr 2021
Cəmiyyət

Vilayət Eyvazov şəhid övladına yeni vəzifə verdi

Daxili işlər orqanlarında növbəti kadr islahatı aparılıb.

15 Apr 2021
Cəmiyyət

İşğaldan azad edilmiş Ağ oyuq qəsəbəsindən görüntülər - VİDEO

Müdafiə Nazirliyi Zəngilan rayonunun Ağ oyuq qəsəbəsindən görüntülər yayıb.

15 Apr 2021
Cəmiyyət

Bu gündən mənzillərin istilik təchizatı dayandırılır

Aprelin 15-dən “Azəristiliktəchizat” Açıq Səhmdar Cəmiyyəti tərəfindən Bakıda və regionlarda istilik təchizatı dayandırılıb.