Bəhreyn xarici işlər naziri: Azərbaycan dünyanın nüfuzlu dövlətlərindən birinə çevrilib

Bəhreyn xarici işlər naziri: Azərbaycan dünyanın nüfuzlu dövlətlərindən birinə çevrilib
04 2017 11:31

Azərbaycanın Bəhreyndəki səfiri Rasim Rzayevin bu ölkənin xarici işlər naziri şeyx Xalid bin Əhməd bin Məhəmməd Al Xəlifə ilə görüşündə ölkələrimiz arasında əməkdaşlığın müxtəlif sahələr üzrə inkişafına dair fikir mübadiləsi aparılıb.

Bəhreynin xarici işlər naziri Azərbaycana səfərlərini məmnunluqla xatırlayıb, ölkəmizin gündən-günə inkişaf etdiyini və dünyanın nüfuzlu dövlətlərindən birinə çevrildiyini vurğulayıb. Bəhreynin Azərbaycanın uğurlarını yaxından izlədiyini bildirib. Nazir yaxın zamanlarda ölkəmizə yenidən səfər etmək arzusunda olduğunu ifadə edib.

Səfir R.Rzayev Bəhreynin xarici işlər nazirini Ermənistanın Azərbaycana qarşı hərbi təcavüzü və işğalçı dövlətin son günlərdə qoşunların təmas xəttində vəziyyəti gərginləşdirməsi barədə məlumatlandırıb. Diplomat Azərbaycanın haqlı mövqeyini dəstəklədiyinə görə, Bəhreyn Krallığının rəhbərliyinə minnətdarlığını bildirib.

Görüşdə ölkələrimiz arasında, siyasi, iqtisadi, mədəni və humanitar sahələrdə əlaqələrin inkişafına dair fikir mübadiləsi aparılıb, istər ikitərəfli, istərsə də beynəlxalq təşkilatlar çərçivəsində əməkdaşlığın möhkəmləndirilməsi yolları müzakirə olunub. Bəhreynli turistlərin Azərbaycana böyük maraq göstərdiyi vurğulanıb, turizm sahəsində əlaqələrin inkişafı, habelə Bəhreynin Azərbaycan vətəndaşları üçün viza rejimini sadələşdirməsi və iki ölkə arasında birbaşa hava əlaqəsinin yaradılması ilə bağlı məsələlərə toxunulub. Ölkələrimizin parlamentləri arasında əməkdaşlığın möhkəmləndirilməsinin əhəmiyyəti vurğulanıb.


18 Mar 2023
Siyasət

Bakıdakı Türk Şəhidliyində Çanaqqala zəfəri anılıb - FOTO

Bu gün Bakıda Türk Şəhidliyində 18 Mart Çanaqqala Şəhidləri Günü və Çanaqqala zəfərinin 108-ci ildönümü münasibəti ilə anım mərasimi keçirilib.

18 Mar 2023
Siyasət

Azərbaycanın Xalq rəssamı Rusiyada keçirilən beynəlxalq sərgi-müsabiqənin laureatı seçildi

Rusiya Federasiyası Elm və Ali Təhsil nazirliyinin dəstəyi ilə A.L.Ştiqlits adına Sankt-Peterburq Dövlət Bədii-Sənaye Akademiyası tərəfindən keçirilən “Dünya rəssamların gözü ilə” adlı beynəlxalq sərgi-müsabiqənin nəticələri açıqlanıb.

18 Mar 2023
Siyasət

Bu gündən Şuşaya turist səfərləri başlayır

Bu gündən artıq Azərbaycanın mədəniyyət paytaxtı olan Şuşa şəhərinə turizm məqsədli səfərlər başlayır.

18 Mar 2023
Siyasət

Xankəndi-Laçın yolu: Aksiya iştirakçıları 97 gündür dünya ictimaiyyətinə çağırışlar edirlər - FOTO

Azərbaycanın Qarabağ iqtisadi rayonunda faydalı qazıntı yataqlarının qanunsuz istismarına qarşı Xankəndi-Laçın yolunda keçirilən etiraz aksiyası 97 gündür davam edir.

18 Mar 2023
Siyasət

Azərbaycanın Baş naziri Əli Əsədov Dağıstan Xalq Məclisinin sədri ilə görüşüb

Martın 17-də Azərbaycan Respublikasının Baş naziri Əli Əsədov Rusiya Federasiyasının Dağıstan Respublikası Xalq Məclisinin sədri Zaur Askenderovla görüşüb.