Oxu.Az-ın əməkdaşı Novruz bayramı ərəfəsində bazardakı qiymətlər ilə tanış olub.
Bazarda mal ətinin 1 kiloqramı alıcılara sümüklü 8,50, sümüksüz 10,50, quş əti 4, qoyun əti isə 8 manata təklif olunur.
Bayramda əsas tələb olunan məhsullar sırasında, şübhəsiz ki, qoz, fındıq və s. yer alır.
Belə ki, bazarda qozun 1 kiloqramı 8, qoz ləpəsi 15-20, fındıq 7, iydə 6, qayısı 10-15,20 manat, sarı kişmiş 7, qara kişmiş isə 10-15 manat, xurma qurusu 5 manata satılır.
Bazarda tərəvəzlərin 1 kiloqramının qiyməti isə 1,50 manatdan başlayır. Maksimum qiymət isə 7 manatdır.
Belə ki, kartof bazarda 1,50, soğan 1-1,50, pomidor 6, xiyar isə 7 manatdan alıcılara təklif olunur. Kökün qiyməti isə 1,50-2 manatdır.
Meyvələrin qiyməti isə 1,50- 5 manat arasında dəyişir:
“Almanın 1 kiloqramı 1,50-3 manat, portağal 2-3 manat, üzüm 5 manat, armud isə 4-5 manata satılır”.
Bayram süfrəsinin əsas atributlarından olan səməninin qiyməti isə 1,50-2 manat təşkil edir.
Qeyd edək ki, yazı Təzə, Nəsimi və Keşlə bazarında aparılan monitorinqlər nəticəsində hazırlanıb.
Fövqəladə Hallar Nazirliyinin (FHN) Dövlət Yanğından Mühafizə Xidmətinin təşkilatçılığı, Dövlət Yanğın Nəzarəti Xidməti və Gəncə Regional Mərkəzinin iştirakı ilə Gəncə Beynəlxalq Hava Limanında “İnsanların kütləvi istifadə etdiyi mühüm əhəmiyyətli obyektlərdə mümkün yanğın hadisəsinin söndürülməsi və insanların təxliyəsinin düzgün təşkili” mövzusunda yanğın-taktiki təlim keçirilib.
Bu gün Naxçıvan “yaşıl enerji” marafonuna qoşulur.
