Baş nazirin müavini: “Azərbaycan dövləti vətəndaşlar üçün bütün imkanları yaradıb”

Baş nazirin müavini: “Azərbaycan dövləti vətəndaşlar üçün bütün imkanları yaradıb”
10 2017 15:01

“Dünyada olan qlobal problemlər hər kəsi narahat edir. Biz bu problemlərin həllinə birgə çalışmalıyıq. Buna baxmayaraq, Azərbaycanda sabit şərait var. Dövlət vətəndaşlar üçün bütün imkanları yaradıb. Dünyanın heç də hər yerində insanlar təhsil ala bilmirlər. Elə ölkələr var ki, orada insanlar heç normal qidalana da bilmirlər”.

“Report”un xəbərinə görə, bunu baş nazirin müavini, Dayanıqlı İnkişaf üzrə Milli Əlaqələndirmə Şurasının sədri Əli Əhmədov 132-134 saylı məktəb kompleksində dayanıqlı inkişafla bağlı keçirilən açıq dərs zamanı deyib.

O bildirib ki, dünyada qanlı toqquşmalar davam edir: “Bir neçə gün öncə, Suriyada xeyli uşaq həyatını itirdi. Dünyada bir çox ölkələr inkişaf edir, insanların həyat şəraiti yaxşıdır. Elə ölkələr də var ki, orada vəziyyət acınacaqlıdır”.

Onun sözlərinə görə, Azərbaycan dövlət səviyyəsində qlobal problemlərin həllinə dəstək verir: “Yaxşı təhsil, savad ölkənin inkişafına zəmin yaradır. Ölkəmizdə nə qədər savadlı insan olarsa, inkişaf bir o qədər sürətli olar. Bir insanın xoşbəxtliyi odur ki, o, həm də qarşıdakını xoşbəxt görür. Biz istəyirik ki, dünyanın hər yerində inkişaf olsun, sabitlik olsun, aclıq, toqquşmalar olmasın”.

Ə.Əhmədov qeyd edib ki, dünyanın inkişaf etmiş ölkələri təhsilə üstünlük verirlər: “O yer də ki, səfalət, toqquşmalar var, orada təhsil yoxdur. Azərbaycan cəmiyyəti dünyanın problemlərinə həssas yanaşır. Dünyanın hər yerində ədalət bərqərar olmalıdır”.

Baş nazirin müavini Dağlıq Qarabağ probleminə toxunub: “Əgər biz Afrikada və digər ərazilərdə ədalətin bərpa olunmasını istəyiriksə, özümüzə də ədalət tələb edirik. Azərbaycanın Dağlıq Qarabağ ərazisi işğal olunub, bu məsələnin həllində dünya birliyinin ədalətli olmasını istəyirik”.


14 Apr 2021
Siyasət

Ukrayna naziri Gəncəyə səfər edib - FOTO

Ukraynanın İnfrastruktur naziri Vladislav Kriklinin rəhbərlik etdiyi nümayəndə heyəti Gəncə şəhərinə gəlib.

14 Apr 2021
Siyasət

Belarus və Azərbaycan razılığa gəldi: İqtisadi əməkdaşlıqda yeni mərhələ

Belarus və Azərbaycan iqtisadi əməkdaşlıqda yeni kooperasiya mərhələsinə keçmək barədə razılığa gəlib.

14 Apr 2021
Siyasət

Lukaşenko: “Belarus Qarabağda hərbi əməliyyatların tamamilə dayandırılmasını alqışlayır”

Belarus Qarabağda hərbi əməliyyatların tamamilə dayandırılması barədə razılaşmanı səmimi qəlbdən alqışlayır.

14 Apr 2021
Siyasət

Azərbaycan və Belarus prezidentləri mətbuata bəyanatlarla çıxış ediblər

Aprelin 14-də sənədlərin imzalanması mərasimindən sonra Azərbaycan Respublikasının Prezidenti İlham Əliyev və Belarus Respublikasının Prezidenti Aleksandr Lukaşenko mətbuata bəyanatlarla çıxış ediblər.

14 Apr 2021
Siyasət

Azərbaycan-Belarus sənədləri imzalanıb

Aprelin 14-də Azərbaycan Respublikasının Prezidenti İlham Əliyevin və Belarus Respublikasının Prezidenti Aleksandr Lukaşenkonun iştirakı ilə Azərbaycan-Belarus sənədlərinin imzalanması mərasimi olub.