İspaniyanın Barselona şəhərinin ombudsmanı Mariya Assumsiyo Vila velosipedlərə dair təkliflə çıxış edib. O, şəhər rəhbərliyinə göndərdiyi sənədlə təklif edir ki, velosipedlər də avtomobillər kimi müvafiq dövlət qurumunda qeydiyyatdan keçsin və dövlət nömrə nişanı ilə təmin edilsinlər.
Bundan başqa, təklifdə velosipedlərin də üçüncü şəxslər qarşısında məsuliyyətinin icbari sığortası təklif olunur. Kataloniya paytaxtında velosipedçilərin iştirakı ilə yol qəzaları sürətlə artmaqdadır. 2016-cı ildə Barselonada 812 belə qəza qeydə alınıb. Bu 2015-ci ilin göstəricisindən 20 faiz çoxdur.
Ombudsmanın fikrincə, velosipedlərin rəsmi qeydiyyatda olması onları idarə edənlərin daha məsuliyyətli olmalarına səbəb olacaq.
Braziliyanın cənub əyalətində daşqınlar nəticəsində ölənlərin sayı 95-ə çatıb.
Uzun fasilədən sonra Rusiyanın raketdaşıyan gəmiləri yenidən Qara dənizə daxil olub.
Azərbaycan Mərkəzi Bankının bu günə olan rəsmi valyuta məzənnələri açıqlanıb.