Almaniya polisi bir gün əvvəl “Sparkasse” bankının Duysburq şəhərindəki filiallarından birinə silahlı hücum etmiş cinayətkarları axtarır. Bankın binasının yaxınlığında tutulan iki şübhəli azad edilib, çünki onların barəsində şübhələr təsdiqini tapmayıb. Bu barədə məlumatı Assoşieyted Press agentliyi polis nümayəndəsinə istinadla yayıb.
Hazırda polis qırmızı rəngli “VW Golf” markalı avtomobili axtarır. Şahidlərin sözlərinə görə, içərisində cavan adamlar olan bu maşını banka hücumdan bir qədər əvvəl onun binası qarşısında görüblər. Polis məlumat verib ki, iri məbləğdə pul ələ keçirən qarətçilər qaçıb gizlənə biliblər. Daha dəqiq məlumat açıqlanmır. “Sparkasse”nin Duysburq filialı müvəqqəti bağlanıb. Hücumun şahidlərinə və zərər çəkən əməkdaşlara psixoloji yardım göstərilir.
Amerikalı üzgüçü Qretçen Uolş 50 metr məsafəyə kəpənək üsulu ilə üzməkdə dünya rekordu müəyyənləşdirib.
Bu ilin yanvar-noyabr aylarında Azərbaycanın qeyri-neft-qaz sektoru üzrə ixracının dəyəri ötən ilin eyni dövrü ilə müqayisədə 1,9 % artaraq 3,1 milyard ABŞ dolları təşkil edib.
Filippinin mərkəzi Neqros adasında Kanlaon vulkanının yenidən püskürməsi təhlükəsi ilə əlaqədar 87 minə yaxın filippinli təxliyə edilib.
