Bakıdakı bayram yarmarkası çadırları sökülür - SƏBƏB?

Bakıdakı bayram yarmarkası çadırları sökülür - SƏBƏB?
20 Dek 2016 14:30

Bakı Şəhər İcra Hakimiyyətinin paytaxtda təşkil etdiyi bayram yarmarkalarının keçirilməsi üçün hazırlanan çadırların fəaliyyət göstərməsinə problem yaranıb. Bu barədə Trend-ə Bakı şəhər İcra hakimiyyətinin Xidmət və Ticarət Departamentinin mətbuat xidmətinin rəhbəri Əlabbas Bağırov məlumat verib.

Qurum sözçüsü bildirib ki, buna səbəb çadırların təhlükəsizliyi ilə bağlı texniki şərtlərin tələb edilməsidir:

"Çadırların fəaliyyət göstərməsilə bağlı Fövqəladə Hallar Nazirliyinin əlaqədar qurumlarından texniki şərt almaq tələb olunur. Bununla bağlı Bakı Şəhər İcra Hakimiyyəti Fövqəladə Hallar Nazirliyinə müraciət edib. Hələlik müraciətə cavab verilməyib. Əgər çadırlar texniki şərtlərə cavab verməsə söküləcək və bayram yarmarkaları açıq hava şəraitində təşkil ediləcək. Texniki şərtlər alınmadığından isə hələlik yarmarkaların çadırlarda fəaliyyət göstərməsinə icazə verilmir".

Ə.Bağırov deyib ki, hazırda Bakıda 10 yerdə bayram yarmarkası çadırı qurulsa da, onların fəaliyyət göstərməsinə icazə verilməyib:

"Məsələn, metronun "Neftçilər" stansiyasının qarşısında quraşdırılan bayram yarmarkası çadırı sökülüb. Ola bilsin ki, başqa çadırlar da sökülsün".


19 Avq 2022
Cəmiyyət

Bill Geyts Yaponiyanın dövlət mükafatına layiq görüldü - FOTO

Yaponiyanın xarici işlər naziri Yosimasa Hayasi Tokioda keçirilən görüşdə “Microsoft”un qurucusu Bill Geytsə birinci dərəcəli “Doğan Günəş” ordenini təqdim edib. O, inkişaf etməkdə olan ölkələrin səhiyyə sistemlərinin gücləndirilməsinə kömək etdiyinə görə bu mükafata layiq görülüb.

19 Avq 2022
Cəmiyyət

Azərbaycan kikboksçuları İslamiadanı 15 medalla tamamlayıb

Türkiyənin Konya şəhərində keçirilən V İslam Həmrəyliyi Oyunlarında kikboksinq yarışları başa çatıb.

19 Avq 2022
Cəmiyyət

Azərbaycan İslam Həmrəyliyi Oyunlarını 99 medalla başa vurub

Türkiyənin Konya şəhərində keçirilən V İslam Həmrəyliyi Oyunları başa çatıb.