Bu gün Bakıda Beynəlxalq Gimnastika Federasiyasının (FIG) kişi idman gimnastikası üzrə beynəlxalq hakimlik kursları start götürüb. Trend-in məlumatına görə, kurslar fevralın 6-dan 9-dək davam edəcək.
Açılış mərasimində çıxış edən FIG idman gimnastikası üzrə texniki komitənin prezidenti Stiv Butçer kurs iştirakçılarını salamlayıb, təşkilat komitəsinin üzvlərini təqdim edib və tədbirin təşkilatçılığına görə Azərbaycan Gimnastika Federasiyasına minnətdarlığını bildirib.
O deyib: “Azərbaycan, demək olar ki, FIG tarixində təşkilatın bütün tədbirlərini və fəaliyyətini dəstəkləyən əsas ölkələrdən biridir. Öz mükəmməl işinizi davam etdirin. Kursların təşkilinə görə təşəkkür edirəm. Əminəm ki, bizim ümidlərimiz doğrulacaq, çünki Azərbaycanda tədbirləri necə keçirmək lazım olduğunu bilirlər”.
Daha sonra açılışda Azərbaycan Gimnastika Federasiyasının baş katibi Fərid Qayıbov çıxış edib. Kurs iştirakçılarını salamladıqdan sonra o uğurlar arzulayıb və kursların uğurla keçəcəyindən əmin olduğunu deyib.
F.Qayıbov deyib: “Bu kurslar Azərbaycanda ikinci dəfədir ki, keçirilir. Birinci dəfə 2007-ci ildə keçirilmişdi. Daha əvvəl osə bədii gimnastika üzrə qitələrarası və beynəlxalq hakimlik kursları keçirilib. Onlar çox uğurlu keçdi. Biz bu kurslardan da eyni nəticəni gözləyirik. Sizə uğurlar arzu edirik”.
Daha sonra iştirakçıların yoxlaması keçirildi və kurslara start verildi.
Qeyd edək ki, kurslarda 17 federasiyadan 66 hakim iştirak edir. Azərbaycanı kurslarda 6 hakim təmsil e
"İşğaldan azad edilmiş Şuşa (6 min 43.7 hektar), Xocalı (24 min 824.4 ha), Ağdərə (46 min 606.7 ha) və Kəlbəcər (15 min 181.4 ha) rayonlarının inzibati ərazilərinin bir hissəsini əhatə etməklə, ümumi sahəsi 92 min 656.2 hektar olan yeni Milli parkın yaradılması nəzərdən keçirilir".
"Hazırda Qarabağ Universitetinin yeni korpuslarının yaradılması üçün Xankəndi şəhərində işlər aparılır".
Yeni yaşıllıq sahələrinin salınması layihələri çərçivəsində Zəngilan rayonu ərazisində 55,0 hektar (ha), Ağdam rayonu ərazisində 11,0 ha, Cəbrayıl rayonu ərazisində isə 38,0 ha yeni yaşıllıq sahəsi salınıb.
Xankəndi şəhərində Azərbaycanın işğaldan azad edilmiş ərazilərində məsələlərin mərkəzləşdirilmiş qaydada həll edilməsi üçün yaradılmış Əlaqələndirmə Qərargahının nəzdində fəaliyyət göstərən İdarələrarası Mərkəzin Ekoloji məsələlər üzrə İşçi qrupunun növbəti iclası keçirilir.
