Azərbaycan paytaxtında ən çox tələbat olan peşələrdən biri fəhləlikdir.
Oxu.Az xəbər verir ki, bu barədə haqqin.az-a Bakı Məşğulluq İdarəsindən bildiriblər.
Bununla yanaşı, vakant yerlər sənaye və inşaat obyektlərində deyil, yaşayış-istismar idarələri, müxtəlif müəssisələrdədir. Əməkhaqqı isə yüksək deyil, inşaatda və ya neft sahəsində olan əməkhaqqının miqdarından dəfələrlə azdır.
İkinci yerdə xidmət sahəsinin işçiləridir: satıcı və ofisiantlar. Burada tələb elektron tərəzi və ya kassa aparatında işləyə bilən şəxsləri istəyirlər. Ofisiant və barmenlərdən isə hotel, iri ticarət mərkəzlərində, mağaza şəbəkələrində işləmək tələb olunur.
Maraqlıdır ki, üçüncü tələbat olan peşələr sırasında mühasib və menecerlərdir. Yəqin elə bu səbəbdən də Bakıda kompüter mühasibatı üzrə kurslar çoxluq təşkil edir.
İdarədən bildiriblər ki, ali təhsil tələb edilən vakansiyalar azdır, cəmi 2%. Bəzən işə götürənlər həddən artıq yüksək tələblər irəli sürürlər. Bu səbəbdən də mühəndislər sürücü və ya qarovulçu işinə gedirlər.
Müqayisə üçün bildirək ki, Rusiyada 2016-ci ildə ən çox tələbat olan peşələr sənaye istehsalı sahəsi, İT mütəxəssisləri, təmir və dizayn işi ilə əlaqədar olub.
ABŞ-da biologiya və tibb sahəsinin mütəxəssisləri, daha sonra marketinq üzrə məsləhətçilər, proqram memarlardır.
Dünyada ən çox tələbat olan işçilər mühəndislər, İT mütəxəssislər və həkimlərdir.
Daxili İşlər Nazirliyində 2024-cü ildə cinayətkarlığa qarşı mübarizə, ictimai qaydanın qorunması və ictimai təhlükəsizliyin təmin edilməsi üzrə fəaliyyətin yekunlarına və cari ildə qarşıda duran vəzifələrə həsr olunmuş geniş kollegiya iclası keçirilib.
Azərbaycan ərazisində yanvarın 25-nə gözlənilən hava şəraiti haqqında proqnoz açıqlanıb.
Dünya bazarında "Azeri Light" markalı Azərbaycan neftinin 1 barelinin qiyməti 0,76 ABŞ dolları, yaxud 0,92% azalaraq, 81,23 ABŞ dolları olub.
