Bakıda bu universitet digər ali məktəblərdən fərqli idarə ediləcək

Bakıda bu universitet digər ali məktəblərdən fərqli idarə ediləcək
05 2017 13:00

Yeni yaradılan Bakı Mühəndislik Universiteti muasir idarəetmə formatına görə digər ali təhsil müəssisələrindən fərqlənəcək.

Təhsil Nazirliyindən özəl oalaraq Trend-ə verilən məlumata gröə, universitetin strateji inkişaf məsələləri üzrə idarəetmə orqanı ictimai əsaslarla fəaliyyət göstərən Himayəçilər Şurası olacaq. Ali təhsil müəssisələrinin idarəetməsində yenilik olan Himayəçilər Şurasının tərkibi azı 3 nəfər olmaqla, Təhsil Nazirliyi tərəfindən təsdiq edilir.

Himayəçilər Şurasının səlahiyyətlərinə universitetin strateji inkişaf proqramının, illik büdcəsinin və onun icrasının təsdiq edilməsi, Universitetin Audit Komitəsinin üzvlərinin seçilməsi, universitetin fəaliyyət istiqamətlərinə nəzarət, universitetin elm-təhsil-innovasiya mərkəzi kimi inkişaf etməsinə, fundamental və tətbiqi elmi layihələrin həyata keçirilməsinə, zəruri infrastrukturun yaradılmasına, beynəlxalq əlaqələrin qurulmasına, maliyyə vəsaitinin və sair investisiyaların cəlb edilməsinə, məzunların işlə təmin olunmasına dəstək göstərilməsi aiddir. Universitetin cari fəaliyyətinə rəhbərliyi isə rektor həyata keçirəcək.

Bakı Mühəndislik Universitetinin Himayəçilər Şurasına rəhbərlik təhsil nazirinin müavini Ceyhun Bayramova həvalə olunub.

Qeyd edək ki, ali təhsilin bütün səviyyələri üzrə mühəndis kadrlarının hazırlığını, bu sahədə ali və əlavə təhsil proqramlarını həyata keçirən, fundamental və tətbiqi elmi tədqiqatlar aparan Bakı Mühəndislik Universiteti Azərbaycan Respublikası Prezidentinin Sərəncamı ilə 8 noyabr 2016-cı ildə yaradılıb.

Təhsil naziri Mikayıl Cabbarov universitet rəhbərliyi və müəllim heyəti ilə görüşdə bildirib ki, Təhsil Nazirliyi gələcəkdə Himayəçilər Şurasının tərkibində digər qurumların nümayəndələrini də görmək arzusundadır. Eyni zamanda, ali təhsil müəssisəsinin fəaliyyətinə köməklik göstərən özəl sektor təmsilçiləri də Himayəçilər Şurasında yer ala biləcək.


5 İyul 2022
Cəmiyyət

Ölkədə taxıl biçini zamanı yanğından mühafizə üçün tədbirlər görüləcək

O bildirib ki, taxıl yığımından əvvəl müəyyən hazırlıq işlərinin aparılmasının böyük əhəmiyyəti var.

5 İyul 2022
Cəmiyyət

Sabah yağış yağacaq - HAVA PROQNOZU

İyulun 6-na gözlənilən hava şəraiti açıqlanıb.

5 İyul 2022
Cəmiyyət

Bir il ərzində Kür çayında suyun səviyyəsi 45 faiz azalıb - Umayra Tağıyeva

2022-ci ilin yanvar-iyun aylarında Kür çayında suyun səviyyəsi ötən ilin eyni dövrü ilə müqayisədə 45 faiz azalıb.

5 İyul 2022
Cəmiyyət

Bayramovu İrana aparan səbəblər, siyasi mövzularda qırılma, Bakı ilə Tehranın müştərək maraqları - TƏHLİL

Azərbaycanın xarici işlər naziri Ceyhun Bayramov İrana səfər edərək həmkarı Hüseyn Əmir-Abdullahianla və Prezident Seyid İbrahim Rəisi ilə görüşdü.

5 İyul 2022
Cəmiyyət

IV Sənaye İnqilabının Təhlili və Koordinasiya Mərkəzi auditor seçib

İqtisadiyyat Nazirliyi yanlnda IV Sənaye İnqilabının Təhlili və Koordinasiya Mərkəzi (4SİM) maliyyə hesabatlarının beynəlxalq standartlarına uyğun auditi ilə bağlı elan etdiyi açıq tenderə yekun vurub.