Fevralın 18-də Bakıda I Neyroendokrin Törəmə Simpoziumu işə başlayıb.
AZƏRTAC xəbər verir ki, tədbirdə endokrinoloqlarla yanaşı, terapevtlər, kardioloqlar, nevropatoloqlar, cərrahlar, onkoloqlar, oftalmoloqlar və digər həkimlər iştirak ediblər.
Azərbaycanın dövlət himni səsləndirildikdən sonra simpozium işinə başlayıb. Milli Onkologiya Mərkəzinin baş direktorunun birinci müavini, professor Əziz Əliyev simpoziumun əhəmiyyətindən söz açıb, qalxanvarı vəzi xəstəliklərinin müalicə metodları, düzgün diaqnozun qoyulması və bu sahədə yeniliklərlə bağlı mövzuların müzakirə edilməsi baxımından tədbiri yüksək qiymətləndirib.
Professor Əziz Əliyev qeyd edib ki, son illər Azərbaycanda bütün sahələrdə, o cümlədən tibb sahəsində mühüm uğurlar əldə edilib. 2016-cı ilin aprel ayında Milli Onkologiya Mərkəzinin nəzdində Nüvə Təbabəti Mərkəzinin açılması buna bariz nümunələrdən biridir.
Azərbaycan Respublikasının Prezidenti yanında Elmin İnkişafı Fondunun direktoru Elçin Babayev qeyd edib ki, Azərbaycanın aparıcı tibb müəssisələrindən olan Milli Onkologiya Mərkəzinin xərçəng xəstəliklərinin diaqnozlaşdırılmasında və müalicəsi sahəsində uğurları həm ölkə daxilində, beynəlxalq arenada diqqət mərkəzindədir.
Sonra Nüvə Təbabəti Mərkəzinin fəaliyyətini əks etdirən film nümayiş etdirilib. Qeyd edilib ki, Nüvə Təbabəti Mərkəzinin fəaliyyətinin əsas prinsipi yüksək səviyyədə xidmətlər təqdim etməkdir. Mərkəzdə işləyən həkimlər, əczaçılar, fiziklər, mühəndislər, kimyaçılar, hətta kiçik və orta heyət xaricdə təhsil alıblar və zəngin praktiki biliklərə malikdirlər. Onların sırasında müvafiq sahədə böyük təcrübəsi olan xarici mütəxəssislər də var.
Həmçinin məlumat verilib ki, mərkəzdə pozitron emissiya tomoqrafiya/kompüter tomoqrafiya (PET/KT) cihazı quraşdırılıb. Bu, orqanizmdə hüceyrə mübadiləsini molekulyar səviyyədə göstərməyə imkan verən müasir tibbi diaqnostik görüntüləmə üsuludur. Xüsusi təyinatlı laboratoriya şəraitində hazırlanmış dərman maddəsi vena daxilinə vurulur və bu maddə orqanizmdə müəyyən toxumalarda toplanaraq ətrafa şüalanma verir. Mərkəzin PET/KT cihazı olan “Biograph mCT-S40” Siemens şirkətinin ən son texnologiyaları ilə hazırlanıb və minimal doza ilə çox sürətli müayinə aparmaq imkanına malikdir. PET/KT-dən onkoloji xəstəliklərin erkən diaqnostikası ilə yanaşı, Altsheymer və Parkinson xəstəliklərinin müayinəsində, epilepsiya, demensiya zamanı beyin funksiyalarının dəyərləndirilməsində də istifadə olunacaq.
Sessiyalarla davam edən simpoziumda cərrahi endokrinologiyada yeni müalicə və diaqnozlaşdırma texnologiyalarından, habelə diaqnozlaşdırmanın aktual problemlərindən, neyroendokrin törəmələrin kompleks və cərrahi müalicəsindən söhbət açılıb.
Simpoziumda professor Əziz Əliyevin “Boynun neyroendokrin törəmələri”, doktor Hidayət Məmmədzadənin “Neyroendokrin törəmələrin endokrinoloji aspektdən dəyərləndirilməsi”, doktor Fuad Novruzovun “Neyroendokrin törəmələrin diaqnozunda PET/KT müayinəsi” mövzularında məruzələri dinlənilib.
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.
