Yanvarın 28-də Yeni Azərbaycan Partiyası Gənclər Birliyinin (YAP GB) 2016-cı ildəki fəaliyyətinin yekunlarına və 2 fevral – Azərbaycan Gəncləri Gününə həsr olunan tədbir işə başlayıb.
AZƏRTAC xəbər verir ki, tədbirdə Baş nazirin müavini, Yeni Azərbaycan Partiyası sədrinin müavini-icra katibi Əli Əhmədov, Milli Məclis sədrinin müavini Bahar Muradova, dövlət və hökumət rəsmiləri, deputatlar, partiyanın gənc üzvləri iştirak edirlər.
Tədbir Azərbaycan Respublikasının dövlət himninin səsləndirilməsi ilə başlayıb.
Sonra Azərbaycan Respublikasının Prezidenti İlham Əliyevin rəhbərliyi ilə ölkəmizdə həyata keçirilən siyasət nəticəsində əldə olunan uğurlara dair videoçarx nümayiş etdirilib.
Daha sonra YAP GB-nin 2016-cı ildəki fəaliyyətini əks etdirən film təqdim olunub.
Baş nazirin müavini, Yeni Azərbaycan Partiyası sədrinin müavini-icra katibi Əli Əhmədov tədbirdə çıxış edərək ölkəmizdə gənclərin fəaliyyəti üçün hər cür şəraitin yaradıldığını vurğulayıb. Bildirib ki, YAP da Azərbaycanda gənclərin fəallıqlarının təmin olunması istiqamətində mühüm rol oynayır, onlar üçün əlverişli şəraitin yaradılmasına çalışır. Gənclərin 2016-cı ildəki fəaliyyətini uğurlu hesab edən icra katibi diqqətə çatdırıb ki, ötən il ölkəmizin qazandığı nailiyyətlərdə partiyanın gənc üzvlərinin də özünəməxsus payı var.
Tədbirin sonunda YAP-a yeni qəbul olunmuş bir qrup gəncə partiya biletləri təqdim olunacaq. Həmçinin YAP GB-nin həyata keçirdiyi tədbirlərdə fəal iştirakına görə müxtəlif nominasiyalar üzrə bir qrup fəal gənc təltif ediləcək.
İyulun 24-də Azərbaycan Respublikasının Prezidenti İlham Əliyev Özbəkistan Respublikasının Prezidenti Şavkat Mirziyoyevə zəng edib.
Müdafiə Nazirliyinin (MN) rəhbər heyəti azad edilmiş ərazilərdə xidmət edən hərbi qulluqçularla görüşüb.
"Azərbaycanda 31 nəfərin deputatlığa namizədliyi qeydə alınıb".
