Bakıda Azərbaycan-Estoniya hökumətlərarası komissiyanın iclası keçirilib

Bakıda Azərbaycan-Estoniya hökumətlərarası komissiyanın iclası keçirilib
07 2017 15:40

Bu gün Bakıda Azərbaycan ilə Estoniya arasında Ticari-iqtisadi əməkdaşlıq üzrə hökumətlərarası komissiyanın III iclası keçirilib.

"APA-Economics" xəbər verir ki, Azərbaycan tərəfindən komissiyaya nəqliyyat, rabitə və yüksək texnologiyalar naziri Ramin Quluzadə, Estoniya tərəfindən isə bu ölkənin dövlət idarəçiliyi naziri Mixail Korb rəhbərlik edir. Hər iki tərəfdən nümayəndə heyətlərinin tərkibinə müxtəlif dövlət qurumlarının təmsilçiləri daxildir.

İclasda sənaye və energetika, nəqliyyat, informasiya-kommunikasiya texnologiyaları (İKT), maliyyə, gömrük, vergi, kənd təsərrüfatı, ətraf mühit, gənclər siyasəti, təhsil və elmi tədqiqatlar, sosial təminat və mədəniyyət sahələrində əməkdaşlıq məsələləri müzakirə edilib.

Hökumətlərarası komissiyanın iclası iki ölkə arasında iqtisadi əməkdaşlığın daha da möhkəmlənməsinə yönəlib.

Tədbirdə çıxış edən M.Korb bildirib ki, ölkələr arasında ticarət dövriyyəsi üzrə rəqəmlər effektiv deyil. Onun sözlərinə görə, iki ölkə arasında ticarət dövriyyəsinin qənaətbəxş olmamasına səbəb Azərbaycan və Estoniyanın məsafə baxımından uzaqda yerləşmələridir. "Azərbaycan Dəmir Yolları" QSC ilə Estoniya Dəmir Yolları və həmçinin, Estoniyanın bir limanı arasında əməkdaşlıq haqqında saziş imzalanıb. Protokola əsasən iki ölkə arasında məhsullar şimaldan cənuba, o cümlədən əks istiqamətə daşınacaq. "Bundan başqa iki ölkə arasında informasiya-kommunikasiya texnologiyaları sahəsində əməkdaşlıq müzakirə edilib. Biz bu sahədə Azərbaycanla təcrübəmizi bölüşdük", - deyə nazir qeyd edib.

M. Korb əlavə edib ki, Azərbaycanla Estoniya arasında kənd təsərrüfatı sahəsində ticarət dövriyyəsi hər iki ölkəni qane etmir: "Kənd təsərrüfatı sahəsində ticarət dövriyyəsinin artırılması bizim üçün prioritetdir. Bundan başqa, biz Estoniyanın inkişaf etmiş iqtisadi sahələri ilə bağlı müzakirə apardıq. Maşınqayırma, energetika sahəsi, ağac və metal emalı sahələri bura daxildir. Həmçinin, nümayəndə heyəti daxilindəki energetika sahəsinin nümayəndələri də neft-qaz layihələrinin işlənməsi ilə bağlı müzakirələr aparacaqlar".

Sonda iclasın yekunlarına dair protokol imzalanıb.

Komissiyanın iclası çərçivəsində Nəqliyyat, Rabitə və Yüksək Texnologiyalar Nazirliyinin və Azərbaycanda İxracın və İnvestisiyaların Təşviqi Fondunun (“Azpromo”) təşkilatçılığı ilə Biznes Forum keçirilib.

Biznes forumda hər iki ölkənin sahibkarları arasında iqtisadiyyatın müxtəlif sahələri üzrə əməkdaşlığın mövcud vəziyyəti və gələcək perspektivləri barədə müzakirələr aparılıb, yeni biznes əlaqələri qurulub.

Qeyd edək ki, M.Korbun rəhbərlik etdiyi nümayəndə heyətinin ölkəmizə səfəri çərçivəsində müxtəlif dövlət qurumlarında görüşlər keçirilib, ali dövlət rəsmiləri ilə müzakirələr aparılıb.


26 Fev 2021
İqtisadiyyat

Neft qiymətləri ucuzlaşıb

Dünya birjalarında neft qiymətləri ucuzlaşır.

25 Fev 2021
İqtisadiyyat

Mikayıl Cabbarov pakistanlı generalla işğaldan azad edilmiş ərazilərin bərpasını müzakirə edib - FOTO

İqtisadiyyat naziri Mikayıl Cabbarov Pakistanın Sərhəd İşləri Təşkilatının baş direktoru, general-mayor Kamal Azfarın rəhbərlik etdiyi nümayəndə heyəti ilə görüşüb.

25 Fev 2021
İqtisadiyyat

Azərbaycanlı mütəxəssislərdən kənd təsərrüfatının inkişafına innovativ töhfə - VİDEO

Fermer təsərrüfatı, yaşayış, sənaye və anbar sahələrində temperatur və rütubət göstəricilərinə nəzarət problemi hər zaman aktual olub. Düzgün və sabit temperatur və rütubət rejiminə riayət olunmaması qida və digər məhsulların xarab olması və yaxud istixana kimi yerlərdə meyvə-tərəvəzin tələfi ilə nəticələnə bilər. Həmçinin, temperaturun ani dəyişməsi istehsalatda qəzalar və digər təhlükəli nəticələrə gətirib çıxarır. Buna görə də bu cür nəticələrin və problemin baş verməsinin əvvəlcədən qarşısını almaq çox vacibdir.

25 Fev 2021
İqtisadiyyat

Problemli kreditlərin həcmi açıqlandı

2021-ci ilin yanvar ayına olan göstəricilərə əsasən bank sektorunda vaxtı keçmiş kreditlərin həcmi 900,4 milyon manat təşkil edib.