BŞH ilə ASAN Radio əməkdaşlığa dair memorandum imzaladı

BŞH ilə ASAN Radio əməkdaşlığa dair memorandum imzaladı
10 2017 15:22

Formula 1-in Azərbaycandakı promouteri Bakı Şəhər Halqası Əməliyyat Şirkəti (BŞH) ilə ASAN Radio arasında informasiya və digər əlaqəli sahələrlə bağlı əməkdaşlığa dair memorandum imzalanıb.

Trend-in məlumatına görə, memorandumu BŞH-nın marketinq və kommunikasiya şöbəsinin rəhbəri Nigar Arpadarai ilə ASAN Radionun direktoru Emin Musəvi imzalayıblar. Tərəflər ölkə ictimaiyyətinin Azərbaycanda keçirilən Formula 1 yarışı haqqında məlumatlandırılması istiqamətində tərəfdaşlıq qurmaqdan böyük məmnunluqlarını bildiriblər.

N.Arpadarai ASAN Radio ilə qurulan əməkdaşlığın yeni imkanlar yaratdığını deyib: “Bu gün biz “ASAN xidmət”lə olan əməkdaşlığımızı daha da genişləndiririk. Bu xidmətin tərkibində fəaliyyət göstərən ASAN Radio ilə qurduğumuz yeni əməkdaşlıq bizə 2017-ci ilin yayında Bakıda baş tutacaq ikinci Formula 1 yarışı haqqında ölkə ictimaiyyətini daha ətraflı şəkildə məlumatlandırmağa imkan yaradacaq”.

E.Musəvi qeyd edib ki, ASAN Radio BŞH ilə əməkdaşlıq başlamaqdan qürur hissi keçirir: “Bu memorandumla ASAN Radio mötəbər yarışın eksklüziv radio tərəfdaşı statusunu qazanır. Xüsusi vurğulamaq istərdim ki, dünya miqyaslı bu cür tədbirlərdə informasiya tərəfdaşı olmaqla, ASAN Radio Azərbaycanın dünyaya tanıdılmasında da müstəsna rol oynayacaq”.

Memoranduma əsasən, ASAN Radio dinləyici auditoriyasını əməliyyat şirkətinin fəaliyyəti haqqında mütəmadi şəkildə məlumatlandıracaq və bununla əlaqədar çarxlar hazırlayaraq radioda yayımlayacaq. ASAN Radio BŞH-nın keçirəcəyi tədbirlərdə informasiya tərəfdaşı kimi çıxış edəcək və 2017 Formula 1 Azərbaycan Qran Prisi zamanı əməliyyat şirkətinin fəaliyyətinə dair informasiya dəstəyi göstərəcək.


15 Okt 2021
İdman

Braziliya Uruqvayı darmadağın etdi, Argentinadan minimal hesablı qələbə - VİDEO

Braziliya futbolçuları 2022 Dünya çempionatının seçmə mərhələsi çərçivəsində evdə Uruqvaya 4:1 hesabı ilə qalib gəliblər.

15 Okt 2021
İdman

“Neftçi”nin prezidenti: “Biz gəlirlərimizin o qədər artmasını istəyirik ki...”

“Bu gün dünya pandemiyadan əziyyət çəkir. Ona görə əməkdaşlıq etmək istədiyimiz şirkətlərin sayı çox olmalıdır. Düşünürəm ki, nə qədər çox çempion olsaq, bir o qədər bizə maraq artacaq”.

14 Okt 2021
İdman

Azərbaycanlı güləşçi dünya reytinqində birinci yerə yüksəldi

2-10 oktyabrda Norveçdə keçirilən dünya çempionatından sonra Ümumdünya Güləş Birliyi (UWW) reytinq sıralamasını yeniləyib.

13 Okt 2021
İdman

DİN-dən valideynlərə ÇAĞIRIŞ: “Təşvişə düşməyin”

Son günlər məktəblərdən uşaqların oğurlanması ilə bağlı səs yazıları yayılır.

13 Okt 2021
İdman

Nazir dünya çempionu olmuş idmançımızı aeroportda qarşıladı - FOTO

Azərbaycanın gənclər və idman naziri Fərid Qayıbov Norveçin paytaxtı Osloda keçirilən güləş üzrə dünya çempionatında qızıl medal qazanmış yunan-Roma güləşçimiz Rafiq Hüseynovu aeroportda şəxsən qarşılayıb.