Bakı Ali Neft Məktəbinin (BANM) İctimaiyyətlə əlaqələr şöbəsinin “BANM-in prezident təqaüdçülərinə 10 sual” layihəsində sualları BANM-in Proseslərin avtomatlaşdırılması mühəndisliyi ixtisasının I kurs tələbəsi Ramil Hüseynov cavablandırır.
- Zəhmət olmasa, özünüz haqqında ətraflı məlumat verin.
- Mən, Hüseynov Ramil Ceyhun oğlu 2000-ci ildə Rusiya Federasiyasinın Radujniy şəhərində anadan olmuşam. Ucar şəhər 2 nömrəli məktəbdə orta təhsil almışam. Qeyd edim ki, 7-ci sinfə qədər rus bölməsində, 7- ci sinifdən sonra isə, Azərbaycan bölməsində oxumuşam. Orta məktəbi bitirib ali məktəblərə keçirilən qəbul imtahanından müvəffəqiyyətlə keçərək BANM-in Proseslərin avtomatlaşdırılması mühəndisliyi ixtisasına daxil oldum, Prezident təqaüdünə layiq görüldüm, hazırda I kurs tələbəsiyəm.
- İmtahan geridə qaldı, indi həmin dövrlə bağlı hansı təəssüratlarınızı bizimlə bölüşə bilərsiniz?
- Həmin vaxtlar, düzü, yorğun bir dövr idi. Qarşıya məqsəd qoyub bütün fikrimi oxumağa yönəltmişdim. Bir qədər də gərgin dövr kimi yaddaşımda qalıb.
- Nə qədər bal topladınız?
- Qəbul imtahanında 695 bal toplamışam.
- Niyə məhz BANM-ı seçdiniz?
- Əslində mən ali təhsil almaq üçün universitet seçərkən o qədər də çox düşünmədim, necə deyərlər, seçici olmadım. Dəqiq elmlərə və texnologiya sahəsinə uşaqlıqdan marağım var idi. Elə axtararkən də həmin ixtisaslar arasında ən yüksək keçid balı olan BANM-i seçdim, amma hətta çox düşünsəydim də, seçimim haqqında çox fikirləşsəydim belə, yenə BANM-i seçərdim.
- Ailənizin oxumağınızdakı rolu haqqında nə demək istərdiniz?
- Əlbəttə ki, ailəmin, xüsusilə nənəm və anamın böyük rolu oldu. Mən bütün fikrimi hazırlaşmağa yönəltmişdim, demək olar ki, dərs oxumaqdan başqa heç bir işlə məşğul olmurdum.
- Ən böyük arzunuz nədir?
- Mənim uşaqlıqdan ən böyük arzum ssenarist olmaq idi. Bu arzu hələ də bu günədək mənim ürəyimdə, fikrimdə qalıb.
- İxtisasınız haqqında nə demək istərdiniz?
- Onu deyə bilərəm ki, bu ixtisas daha çox məntiq və yaradıcılıq tələb edir. Fikrimcə, artıq gələcəkdə bir çox peşə sahiblərinin robotlarla əvəz olunduğunu nəzərə alsaq, bizim sahəmiz insan əməyi tərəfindən edilən tək-tük işlərdən biri olacaq.
- Hobbiniz nədir?
- Musiqiyə qulaq asmağı xoşlayıram, sosial şəbəkələrə marağım böyükdür. Facebook və Youtube-da izlədiyim kanalların videolarına baxmağı sevirəm.
- Başqa hansı maraqlarınız var?
- Psixologiya, iqtisadiyyat və həvəskar səviyyədə fitness oyunu maraq dairəmə aiddir.
- Hansı janrda kitabları oxuyursunuz?
- Demək olar ki, dərsliklərdən başqa kitab oxumuram.
İşğaldan azad olunan ərazilərə “Böyük Qayıdış” Dövlət Proqramı çərçivəsində noyabrın 6-da Laçında könüllü qanvermə aksiyası keçirilib.
Daxili İşlər Nazirliyinin (DİN) əməkdaşları 8 Noyabr - Zəfər Günü ilə əlaqədar ağacəkmə kampaniyası keçiriblər.
Füzuli şəhərində Qarabağ Dirçəliş Fondunun sifarişi ilə 25 hektar ərazidə böyük bir Mərkəzi Park salınacaq.
Yaxın gələcəkdə bulvarın uzunluğunun 25 kilometrə çatdırılması nəzərdə tutulur.
Fövqəladə Hallar Nazirliyi (FHN) Gəncə Regional Mərkəzi Tovuz rayonunda "İrimiqyaslı fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili" mövzusunda kompleks mülki müdafiə təlimi keçirib.
