Azərbaycanlı generalın azyaşlı oğlunun döyülməsi ilə bağlı cinayət işi açılıb

Azərbaycanlı generalın azyaşlı oğlunun döyülməsi ilə bağlı cinayət işi açılıb
06 Dek 2016 14:59

Ukraynanın Xarkov şəhərində azərbaycanlı generalın azyaşlı uşağının etnik zəmində döyülməsi ilə bağlı cinayət işi açılıb.

REALPRESS.Az xəbər verir ki, azərbaycanlı general-leytenant Vüqar Ələsgərov APA-ya bildirib ki, onun 7 yaşlı oğlunun yuxarı sinif şagirdləri tərəfindən döyülməsi ilə bağlı Xarkov şəhəri Orconikidze Rayon Polis İdarəsində Ukrayna Cinayət Məcəlləsinin 215.1-ci maddəsi ilə (azyaşlı uşağın qəsdən sağlamlığına zərər vurma məqsədi ilə kütləvi halda amansızlıqla döyülərək xəsarət alması) cinayət işi açılıb.
 
V. Ələsgərov qeyd edib ki, hazırda istintaq gedir və hadisə ilə bağlı hələlik heç kim saxlanılmayıb: "Mənim yerli orqanlarla lazımi yazışmalarımdan sonra müstəntiqi dəyişib işə ciddi yanaşmağa başlayıblar. Amma təəssüf ki, hadisənin baş verdiyi məktəbin direktoru Olqa Vorobyova məni və həyat yoldaşımı etnik zəmində təhqir edərək uşağımı döyənlərə haqq qazandırmasına rəğmən onunla bağlı heç bir ölçü götürülmür. Təhsil Nazirliyinə və Baş Prokurorluğa şikayət etməyimizə baxmayaraq, hələ də cavab yoxdur. Direktorun olduqca şovinist xasiyyəti uşağımızın bu məktəbdə gələcəkdə normal təhsil ala bilməsinə risk yaradır".
 
Qeyd edək ki, noyabrın 3-də V. Ələsgərovun Xarkov şəhəri 71 saylı orta məktəbdə birinci sinifdə oxuyan oğlu Müzəffər Ələsgərov yuxarı sinif şagirdlərindən ibarət dəstənin hücumuna məruz qalaraq amansızlıqla döyülüb və nəticədə xəsarət alıb. V. Ələsgərov bildirib ki, bunun nəticəsində oğlunun dişləri sındırılıb, bədəni və başından xəsarətlər alıb. "Mən məktəbin direktoru Olqa Vorobyovadan hadisə haqda məlumat almaq istəyərkən, o yuxarı sinif şagirdlərini çağırıb, mənə hədə-qorxu gəlməyə başladı. Direktor: "Sizin Ukraynada nə işiniz var ki, bunlar da başınıza gəlsin?!" - dedi. Mən düz 30 il Ukrayna ordusunda xidmət etmişəm. Hadisə barədə polisə də məlumat vermişəm. Lakin polis məsələyə laqeyd yanaşır. Biz bunu özümüzə qarşı basqı kimi qiymətləndiririk", - deyə V. Ələsgərov qeyd edib.


31 May 2020
Kriminal

DİN: Ruslan Əmirov polisə tabe olmadığına görə həbs edilib

Daxili İşlər Nazirliyi (DİN) AXCP fəalı Ruslan Əmirovun həbsi ilə bağlı məlumat yayıb.

28 May 2020
Kriminal

Baş Prokurorluq Gəncədəki qətllə bağlı məlumat yaydı

Gəncə şəhər prokurorluq və polis əməkdaşları tərəfindən həyata keçirilmiş təxirəsalınmaz istintaq-əməliyyat tədbirləri nəticəsində mayın 26-da şəhər sakini Asim Yusubovu qəsdən öldürməkdə şübhəli bilinən tanışı, əvvəllər məhkum olunmuş, 1960-cı il təvəllüdlü İlham Məmmədov tutularaq istintaqa cəlb olunub.

27 May 2020
Kriminal

Prokurorluq “Jurnalistlər Binası” ilə bağlı araşdırmaya başlayıb

Jurnalistlər üçün nəzərdə tutulan mənzillərin ədalətsiz bölgüsü ilə bağlı Prezident İlham Əliyevə müraciət edən bir qrup media işçisi Baş Prokuror yanında Korrupsiyaya Qarşı Mübarizə İdarəsinə çağırılıb. 

16 May 2020
Kriminal

“The Times-Azerbaijan” şirkətinin direktoru həbs edildi

Keçirilən əməliyyat-axtarış tədbirləri nəticəsində Bakı şəhəri Xətai Rayon Polis İdarəsinin əməkdaşları dələduzluqda ittiham edilən “The Times-Azerbaijan” şirkətinin direktoru Ceyhun Hacıyevi saxlayıblar.

16 May 2020
Kriminal

DİN: Bərdədə polisə müqavimət göstərən 14 nəfər saxlanılıb

Bu gün Bərdə rayonunun Qaradırnaq kəndinin bir qrup sakini heyvanlarını otarmaq üçün onlara örüş sahəsinin ayrılması tələbi ilə toplaşıblar.