Yanvarın 26-da Azərbaycan Milli Elmlər Akademiyasında (AMEA) İtaliya Milli Sağlamlıq İnstitutunun nümayəndələrinin iştirakı ilə “Ətraf mühit və sağlamlıq: İtaliya və Azərbaycan təcrübəsi” mövzusunda seminar təşkil olunub.
AMEA-dan AZƏRTAC-a bildiriblər ki, iştirakçılar əvvəlcə AMEA-nın elmi nailiyyətlər sərgisini ziyarət ediblər.
AMEA-nın vitse-prezidenti, akademik Dilqəm Tağıyev seminarın ictimaiyyətin diqqətini sağlam və təhlükəsiz ətraf mühitə cəlb etmək və İtaliya Milli İctimai Sağlamlıq İnstitutu ilə AMEA-nın müvafiq elmi müəssisələri arasında ekoloji təhlükəsizlik sahəsində əlaqələrin gücləndirilməsi baxımından əhəmiyyətini qeyd edib.
İtaliyanın ölkəmizdəki səfiri Can Paolo Kutillo hər iki ölkənin elmi mərkəzləri arasındakı əlaqələrin müxtəlif istiqamətlərdə, o cümlədən ekologiya və insan sağlamlığı sahəsində inkişaf etdirilməsinin vacibliyini vurğulayıb.
Seminarda dünyanın aparıcı elmi təşkilatları ilə beynəlxalq əməkdaşlıq perspektivlərindən söz açılıb, qarşılıqlı münasibətlərin inkişafı və yeni əməkdaşlıq mexanizmlərinin yaradılması imkanlarından bəhs olunub.
Tədbirdə İtaliya Milli Sağlamlıq İnstitutundan professor Pietro Kombanın “Çirklənmiş sahələrdə epidemioloji nəzarət: İtaliya təcrübəsi”, Daniela Marsilinin “Ətraf mühit və sağlamlıq üzrə beynəlxalq elmi əməkdaşlıq: məqsədlər, prosedurlar və tematik araşdırmalar”, Laura Açenenin “Daxili su obyektlərinin gigiyenasının özəllikləri və tədqiqat fəaliyyəti. İtaliyada su təhlükəsizliyi planının həyata keçirilməsi”, Luici Turrio Baldassarrinin “Çirklənmənin monitorinqindən insana təsirinin qiymətləndirilməsi və qarşısının alınması siyasətinədək: İtaliya təcrübəsi” mövzularında məruzələri dinlənilib
Ölkə ərazisində iyulun 25-də gözlənilən hava şəraiti açıqlanıb.
Dövlət İmtahan Mərkəzi II və III ixtisas qrupları (o cümlədən I ixtisas qrupu üzrə RK və Rİ altqruplarının hər ikisini seçənlər üçün informatika fənni) üzrə 7 iyul 2024-cü il tarixində keçirilmiş qəbul imtahanının nəticəsini elan edib.
Ölkə ərazisində iyulun 16-da gözlənilən hava şəraiti açıqlanıb.
