Azərbaycanda dövlət qulluqçuları üçün Təlim Mərkəzinin açılışı olub

Azərbaycanda dövlət qulluqçuları üçün Təlim Mərkəzinin açılışı olub
08 Dek 2016 15:26

Bu gün Dövlət İdarəçilik Akademiyasında dövlət qulluqçuları üçün Təlim Mərkəzinin açılış mərasimi keçirilib.

Trend-in məlumatına görə, mərkəz Avropa İttifaqı tərəfindən maliyyələşdirilən, BMT-nin İnkişaf Proqramı tərəfindən həyata keçirilən birgə layihə çərçivəsində Azərbaycan Respublikası Prezidenti yanında Dövlət İdarəçilik Akademiyası ilə əməkdaşlıq əsasında yaradılıb.

Təlim mərkəzi resurs mərkəzi, kompüter və məlumat bazası otaqları və təlim salonundan ibarətdir. Ümumilikdə mərkəzin yaradılması Dövlət İdarəçilik Akademiyasının daxili təlim bacarığının artırılması və müxtəlif dövlət orqanlarından olan dövlət qulluqçularının peşəkarlıq səviyyəsinin artırılması üçün bir vasitə kimi xidmət edəcək.

Dövlət İdarəçilik Akademiyasının rektoru, akademik Urxan Ələkbərov Azərbaycanın davamlı inkişaf sahəsində qazandığı uğurlar barədə ətraflı məlumat verib, birgə layihə çərçivəsində yaradılan mərkəzin görəcəyi işlərin miqyası və səmərəsindən də əminliklə söz açıb.

BMT İnkişaf Proqramının rezident nümayəndəsi Qulam İshaqzai BMT İP və Akademiya arasında əməkdaşlığın tarixçəsini vurğulayaraq BMT-nin Dayanıqlı İnkişaf Məqsədlərinə nail olmaqda hökumətə yardım edəcək dövlət qulluqçularının peşəkarlıq inkişafının təkmilləşdirilməsində təlim mərkəzinin əhəmiyyətinə toxunub: "Bu bir sirr deyil ki, Azərbaycanda dövlət qulluqçuları təlimi dövlət qulluğu sisteminin təkmilləşdirilməsində maraqlı olan digər region ölkələri də yararlana bilər. Ölkədə dövlət qulluğu təliminin Avropa standartlarına uyğun gücləndirilməsi ilə əlaqədar Akademiyaya dəstək olmaq Azərbaycanda güclü dövlət qulluğu sisteminin yaradılmasına kömək olacaq əhəmiyyətli bir fəaliyyətdir”.

Avropa İttifaqının Azərbaycan Nümayəndəliyinin rəhbəri səfir Malena Mard isə vurğulayıb ki, Aİ müstəqilliyini əldə etdikdən bəri Azərbaycanda dövlət idarəçiliyi və bacarıqların təkmilləşməsi prosesinə yardım edir.

Qeyd edək ki, Avropanın ən yaxşı təcrübələrinə uyğun olaraq ölkədə peşəkar və dayanıqlı dövlət qulluğu sisteminin daha da inkişafına töhfə vermək məqsədilə Avropa İttifaqı hazırda 4 qrant layihəsini Azərbaycan üçün ayırıb. Layihələrdən biri BMT İP tərəfindən həyata keçirilən bu layihədir.

“Azərbaycan Respublikasında Dövlət Qulluğu Təliminə Dəstək” layihəsinin əsas məqsədi dövlət orqanları arasında dövlət qulluqçuları təliminin və peşəkar inkişaf funksiyasının idarəsi və əlaqələndirilməsini gücləndirməkdir. Layihənin digər məqsədi dövlət işçiləri təlimlərinin idarə və əlaqələndirilməsi, eləcə də dövlət orqanları və digər təlim mərkəzlərinə metodoloji yardım göstərmək üçün Dövlət İdarəçilik Akademiyasının institusional bacarıqlarını gücləndirməkdir.


17 İyun 2024
Siyasət

Binəqədidə Tibb İşçiləri Günü münasibətilə tədbir keçirilib

İyunun 12-də Yeni Azərbaycan Partiyası Binəqədi rayon təşkilatı və Tibbi Ərazi Bölmələrini İdarəetmə Birliyinin birgə təşkilatçılığı ilə 17 iyun - Tibb İşçilərinin Peşə Bayramı Günü münasibətilə tədbir keçirilib. Tədbirdə YAP Binəqədi rayon təşkilatının sədri Vüsar İsmayılov, millət vəkili Kamaləddin Qafarov, Tibbi Ərazi Bölmələrini İdarəetmə Birliyinin icraçı direktorunun müşaviri Pərvin Əkbərov, Binəqədi rayonunda fəaliyyət göstərən tibb işçiləri iştirak ediblər.

16 İyun 2024
Siyasət

Kamaləddin Qafarov: “Şuşa Bəyannaməsi hər iki ölkə üçün mühüm tarixi sənəddir”

“Ulu Öndər Heydər Əliyevin “Türkiyə və Azərbaycan bir millət, iki dövlətdir” və Mustafa Kamal Atatürkün “Azərbaycanın sevinci bizim sevincimiz, kədəri bizim kədərimizdir” aforizmləri, əslində, iki ölkə arasında strateji müttəfiqlik əlaqələrinin qısa konseptual formada ifadə edilmiş ideoloji əsası olub. 2021-ci ilin iyunun 15-də Azərbaycan və Türkiyə Prezidentləri tərəfindən Şuşa şəhərində iki qardaş ölkənin imkanlarının birləşdirilməsini və maraqlarının birgə müdafiəsini nəzərdə tutan unikal tarixi sənədin – “Azərbaycan Respublikası ilə Türkiyə Respublikası arasında müttəfiqlik münasibətləri haqqında Şuşa Bəyannaməsi”nin imzalanması ilə bu münasibətlər artıq rəsmi xarakter almış oldu”.

15 İyun 2024
Siyasət

Kamaləddin Qafarov: “ Azərbaycan bu gün qüdrətli bir dövlətə çevrilib”

“Ulu Öndər Heydər Əliyevin adı ilə bağlı olan Milli Qurtuluş Günü Azərbaycan tarixinin ən şanlı qürur səhifələrindən biridir. Dövlət müstəqilliyimizin bərpa olunmasından sonra keçən ilk iki il ərzində ölkəmizin üzləşdiyi ciddi iqtisadi problemlər getdikcə qarşısıalınmaz xaotik proseslərin başlanmasına yol açmışdı. Bu vəziyyət isə öz növbəsində, respublikada hakimiyyəti ələ keçirmiş səriştəsiz və məsuliyyətsiz qrupların dağıdıcı fəaliyyətləri ilə uzlaşaraq ölkəni siyasi böhrana gətirib çıxarmışdı. Vətəndaş müharibəsi, ölkənin bir neçə kiçik marionet dövlətlərə parçalanması və Azərbaycanın vahid suveren ölkə olaraq dünyanın siyasi xəritəsindən silinməsi xalqı gözləyən real perspektivlər idi”.

14 İyun 2024
Siyasət

Bakı-Qazax yolunda iki yeni piyada keçidi inşa olunur

Azərbaycan Avtomobil Yolları Dövlət Agentliyi Bakı-Ələt-Qazax-Gürcüstanla dövlət sərhədi avtomobil yolunun 69-cu km-də yolun hər iki hərəkət istiqamətində (Qaradağ rayonunun Ələt qəsəbəsindən keçən hissə) iki yerüstü piyada keçidinin tikintisini aparır.

14 İyun 2024
Siyasət

Nazir: Gələn il bəzi summativ qiymətləndirmələrin ləğvi məsələsinə baxıla bilər

Şagirdlərin dərs yükünün azaldılması istiqamətində bəzi summativ qiymətləndirmələrin ləğvi məsələsinə 2025-ci ildə baxıla bilər.