Azərbaycanda nadir və nəsli kəsilən heyvanların sayı dəyişib

Azərbaycanda nadir və nəsli kəsilən heyvanların sayı dəyişib
24 2017 10:36

Son 27 ildə Azərbaycanda nadir və nəsli kəsilməkdə olan heyvanların sayı 2 dəfə artıb, növbəti illərdə isə prosesin daha da sürətlənəcəyi gözlənilir.

Bunu Trend-ə Azərbaycan Milli Elmlər Akademiyası Zoologiya İnstitutunun direktoru Elman Yusifov deyib.

Onun sözlərinə görə, “Qırmızı kitab”ın 1989-cu ilin nəşrinə ümumilikdə 107 növ heyvan adı (40 növ həşərat, 5 növ balıq, 5 növ amfibi, 7 növ sürünən, 36 növ quş, 14 növ məməli heyvan) daxil edilsə də, kitabın 2013-cü il nəşrinə 223 növ heyvan salınıb. Ötən müddət ərzində azalma ən çox məməlilər, quşlar, balıqlar arasında qeydə alınsa da, daha təhlükəli vəziyyət məməli heyvanlarla bağlıdır.

İnstitut direktoru qeyd edib ki, hazırda Azərbaycan faunasında 10 növ amfibi, 54 növ sürünən, 400 növ quş, 110 növ məməli, 20 min növ həşərat, 100 növ balıq var. Artıq məməli heyvanların 38 faizi, quşların 17, 75 faizi, balıqların 10 faizi nadir və nəsli kəsilmək təhlükəsi qarşısındadır. Ümumilikdə “Qırmızı kitab”ın son nəşrinə düşən həşərat növlərinin sayı 78, balıq növlərinin sayı 9, amfibi növlərinin sayı 6, sürünən heyvan növlərinin sayı 14, quş növlərinin sayı 71, məməli heyvan növlərinin sayı 42-ə çatıb.

2023-cü ilədək “Qırmızı kitab”ın 3-cü nəşrinin çıxmasının nəzərdə tutulduğunu deyən direktorun sözlərinə görə, növbəti nəşrdə nadir və nəsli kəsilməkdə olan heyvanların sayının daha da artacağı gözlənilir. Artıq institut tərəfindən nadir və nəsli kəsilməkdə olan heyvanların yeni siyahısının formalaşdırılmasına başlanılıb.

Həşəratların azalmasının təbiətə çox da ziyan vurmayacağı barədə səslənən fikirləri düzgün saymayan E.Yusifov qeyd edib ki, həşəratlar təbiətin çox vacib tərkib hissəsidir:

"Həşəratlar bitkiləri tozlandıraraq həm onların həyatını təmin edir, həm də digər canlılar üçün qida mənbəyi olurlar. Meşənin sanitarları olan həşəratlar çürümüş, ölmüş bioloji qalıqları parçalayır, minerallaşdırır və onların yenidən dövriyyəyə qaytarılmasında mühüm rol oynayır. Bir sıra həşəratlar əsasən quşların qida mənbəyini təşkil edir. Onlar özləri digər canlılarla qidalanaraq quşların sayını tənzimləyirlər.

E.Yusifov qeyd edib ki, həşəratlar meyvə-tərəvəzlərin məhsuldarlığı üçün də vacib amildir:

“Həşəratlar torpağı münbitləşdirir, onu yumşaldaraq keyfiyyətini yaxşılaşdırır, oksigen nüfuzunu artırır və beləliklə də məhsuldarlığı çoxaldır. Onlar olmasa, kənd təsərrüfatı və meyvəçilikdə məhsuldarlıq olmaz”.


15 Apr 2021
Cəmiyyət

Sərnişinlərin nəzərinə: Bəzi avtobusların hərəkət istiqaməti dəyişdirildi

Sabahdan Xudu Məmmədov küçəsinin Məhəmməd Hadi küçəsi ilə kəsişməsindən Qədir Məmmədov küçəsinə qədər olan hissəsində aparılan təmir-tikinti işləri çərçivəsində (yolda asfalt-beton örtüyünün yenilənməsi) avtomobillərin hərəkəti hissə-hissə məhdudlaşdırılacaq.

15 Apr 2021
Cəmiyyət

Kütləvi iftar süfrələrinin təşkili ilə bağlı RƏSMİ AÇIQLAMA

“Qafqaz Müsəlmanları İdarəsinin (QMİ) Ramazan ayının başlaması ilə bağlı fətvası var. Orada bu məsələlər qeyd edilib. Bütün insanlar pandemiya şəraitinin tələblərinə əməl etməlidirlər. Dindar insanlar cəmiyyətimizin ən həssas və duyarlı bir təbəqəsidir. Əminəm ki, dindarlarımız ölkəmizdə pandemiya qaydalarının tələblərinə əməl edəcəklər”.

15 Apr 2021
Cəmiyyət

Əsirlikdən azad edilən Şahbaz Quliyev: “Köməyə ehtiyacım var” kimi sözlər işlətməmişəm”

“Mənim ailəm çörək tapmır. Həyat yoldaşım qabyuyan işləyirdi, o da işdən çıxıb. Köməyə ehtiyacım var”, - kimi sözlər işlətməmişəm”. 

15 Apr 2021
Cəmiyyət

Çindən Azərbaycana yola salınan yük alışıb yandı - VİDEO

Çinin hava limanlarından birində bu ölkədən Azərbaycan, Gürcüstan və Türkiyəyə göndərilən yüklərdən biri alışıb yanıb.

15 Apr 2021
Cəmiyyət

Azərbaycanda peyvənd olunanların sayı AÇIQLANDI - FOTO

Bu gün Azərbaycanda vaksinasiya olunanların sayı 28 600 nəfər olub.