Azərbaycanda gənclərin inkişafı üçün hər cür şərait yaradılıb

Azərbaycanda gənclərin inkişafı üçün hər cür şərait yaradılıb
02 2017 10:01

Yasamal Rayon Gənclər və İdman İdarəsinin təşkilatçılığı ilə rayondakı Heydər Əliyev Mərkəzində 2 fevral - Azərbaycan Gəncləri Günü münasibətilə rayon gənclərinin tədbiri keçirilib.

Əvvəlcə tədbir iştirakçıları rayon gənclərinin vətənpərvərlik mövzusunda çəkdikləri rəsm işlərindən ibarət sərgiyə baxıb, mərkəzdə ümummilli lider Heydər Əliyevin abidəsi önünə gül dəstələri qoyublar.

Tədbirdə çıxış edən rayon gənclər və idman idarəsinin rəisi İlham Səfərov bildirib ki, ümummilli lider Heydər Əliyevin müvafiq Fərmanı ilə Gənclər Gününün təsis edilməsindən iyirmi il ötür. Bu əlamətdar gün Yasamal rayonunda da geniş qeyd edilir. Ötən dövrdə dövlət gənclər siyasətinin icrası istiqamətində rayonda çoxsaylı tədbirlər həyata keçirilib. Gənclərin vətənpərvərlik tərbiyəsinin gücləndirilməsi, asudə vaxtlarının səmərəli təşkili, istedadlı və yaradıcı gənclərin aşkarlanması istiqamətində görülmüş tədbirlər bu layihələrdəndir.

Yasamal Rayon İcra Hakimiyyətinin başçısı İbrahim Mehdiyev qeyd edib ki, ölkəmizdə gənclərə belə böyük dəyərin verilməsi ulu öndər Heydər Əliyevin adı ilə bağlıdır. Məhz Ümummilli Liderin 1997-ci ildə imzaladığı Fərmanla 2 fevral – Gənclər Günü kimi qeyd olunmağa başlanıb. Bu, Heydər Əliyevin gənclərə olan yüksək etimadından irəli gəlirdi. Ulu öndər Heydər Əliyevin siyasi xəttində gənclərə yüksək diqqət və qayğı daim özünü bariz şəkildə göstərib.

İcra başçısı bu gün də ölkədə gənclər siyasətinin uğurla davam etdirildiyini, gənclərin beynəlxalq səviyyədə təhsil almaları, onların həyatın müxtəlif sahələrində layiqincə təmsil oluna bilmələri üçün geniş imkanların yaradıldığını, dövlət idarəçilik sistemində önə çəkildiyini bildirib.

Bakı Şəhər Gənclər və İdman Baş İdarəsinin rəisi Raqif Abbasov gənclərə gələcək fəaliyyətlərində yeni-yeni uğurlar arzulayıb.

Sonra Yeni Azərbaycan Partiyası Gənclər Birliyinin sədr müavini Samirə Quliyeva “Gənclərin ictimai-siyasi həyatda yeri və rolu”, Azərbaycan Respublikasının Prezidenti yanında Gənclər Fondunun sektor müdiri Vüsalə Niftəliyeva “Gənclərin kreativ düşüncə və peşəkar fəaliyyətlərinin dəstəklənməsi”, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin 3 saylı Bakı “ASAN xidmət” mərkəzinin əməkdaşı Tural Nağdıyev “ASAN xidmət” və müasir innovativ gənclik” mövzularında çıxışlar ediblər.

Tədbirdə bir qrup gəncə Gənclər Günü münasibətilə fəxri fərman və xatirə hədiyyələri təqdim edilib.

Sonda gənclər arasında keçirilmiş “Vətənim Azərbaycan” mövzusunda rəsm və “Heydər Əliyev vətənpərvərliyi müasir gənclik üçün örnəkdir” mövzusunda inşa yazı müsabiqələrinin qalibləri mükafatlandırılıblar.


29 May 2024
Cəmiyyət

Zakir Həsənov Türkiyəyə işgüzar səfərə gedib

Mayın 29-da Azərbaycan Respublikasının müdafiə naziri general-polkovnik Zakir Həsənovun rəhbərlik etdiyi nümayəndə heyəti Türkiyə Respublikasına işgüzar səfər edib.

29 May 2024
Cəmiyyət

Azərbaycan Ordusunun geyim forması dəyişdi

Azərbaycan Ordusunun səhra geyim forması dəyişib.

29 May 2024
Cəmiyyət

“Zəngəzur” tankeri əsaslı təmir olunub

“Azərbaycan Xəzər Dəniz Gəmiçiliyi” QSC-nin (ASCO) Dəniz Nəqliyyatı Donanmasına məxsus “Zəngəzur” tankeri əsaslı təmir olunub.

29 May 2024
Cəmiyyət

Köç karvanı Xocalıya çatıb, mənzillərin açarları sakinlərə təqdim edilib - Yenilənib-2

Xocalıya köçən yeni ailələrin mənzillərinin açarlarının təqdimat mərasimi keçirilib.

29 May 2024
Cəmiyyət

Birinci sinfə sərbəst qəbul BAŞLADI

Uşaqların I sinfə elektron qəbulu prosesində üstünlük hüququ tətbiq edilən ümumi təhsil müəssisələrinə sərbəst qəbul başlayır.