Azərbaycan və Türkiyə tibb universitetləri arasında münasibətlərin möhkəmlənməsi məsələləri müzakirə olunub

Azərbaycan və Türkiyə tibb universitetləri arasında münasibətlərin möhkəmlənməsi məsələləri müzakirə olunub
30 2017 09:30

Martın 29-da Türkiyənin ölkəmizdəki səfiri Erkan Özoral Azərbaycan Tibb Universitetinin (ATU) rektoru, professor Gəray Gəraybəyli ilə görüşüb.

Tibb Universitetindən AZƏRTAC-a bildiriblər ki, görüşdə Azərbaycanla Türkiyə arasında təhsil və səhiyyə sahəsində mövcud münasibətlərin möhkəmlənməsi istiqamətində müzakirələr aparılıb.

Səhiyyə naziri Oqtay Şirəliyevlə görüşü zamanı bir sıra vacib məsələlərin müzakirə olunduğunu bildirən səfir bu mövzulardan birinin də ATU ilə İstanbul Universiteti arasında bir sıra layihələrin planlaşdırılması barədə məlumat verib. E.Özoral bildirib ki, artıq Türkiyə həkimləri bütün Avropada yüksək səviyyəli mütəxəssis kimi qəbul olunur və bu təcrübə ilə Azərbaycanda da paylaşmaqda maraqlıdırlar. ATU-nun türk gənclər arasında tanındığını deyən səfir öz ölkəsinin tələbələrinin bu universitetdə təhsilini dəstəklədiyini bildirib.

G.Gəraybəyli ATU-nun bir çox əcnəbi təhsil müəssisələri ilə əlaqələrinin olduğunu, amma onlar arasında Türkiyə universitetlərinin xüsusi yer tutduğunu bildirib. Rektor İstanbul Universiteti ilə birgə layihənin reallaşmasının bir çox yeniliklərin tətbiqinə yol açacağını qeyd edib.

ATU-nun xarici tələbələrlə iş üzrə dekanı Tariel İsmayılov hazırda Tibb Universitetində Türkiyədən 527 nəfərin təhsil aldığını bildirib. Onlardan 311-i artıq tələbədir, 216-sı isə universitetin hazırlıq kurslarına cəlb olunublar.

Görüşdən sonra səfir ATU-da təhsil alan türkiyəli tələbələrlə görüşüb. Görüş zamanı gənclər ATU-da onların təhsili və yaşayışı üçün yaradılan şərait, mövcud tədris sistemi haqqında səfirə məlumat veriblər.


22 Fev 2022
Elmi

“Sən elə bir zirvəsən” respublika ifa müsabiqəsi davam edir

Ümummilli lider Heydər Əliyevin anadan olmasının 99-cu ildönümünə həsr olunan “Sən elə bir zirvəsən” respublika ifa müsabiqəsi mayın 5-dək davam edəcək. Müsabiqə Təhsil Nazirliyinin dəstəyi, Gənclərin Respublika Bədii Yaradıcılıq Evinin təşkilatçılığı ilə nazirlik sistemində fəaliyyət göstərən peşə və orta ixtisas təhsili müəssisələrinin şagird və tələbələri arasında keçirilir.

22 Fev 2022
Elmi

Magistraturaya qəbul imtahanında ən yüksək nəticə 98 bal olub

Magistraturaya qəbul imtahanında ən yüksək nəticə toplanılması mümkün olan 100 baldan 98 olub. Qəbul imtahanındakı nəticələri müsabiqə şərtlərini ödəyən bakalavrlar ixtisaslaşma seçiminə buraxılırlar. Müsabiqə şərtləri müxtəlif ixtisas qruplarına uyğun olaraq 30, 40, 45, 50 baldır.

22 Fev 2022
Elmi

Magistraturaya qəbul imtahanı vermiş iki nəfərin nəticələri ləğv edilib

Bir nəfərdə mobil telefon aşkarlandığı üçün, bir nəfər isə köçürməyə cəhd etdiyi üçün imtahandan xaric olunub və nəticələri ləğv edilib. Bundan əlavə, sual kitabçasını özü ilə aparan 4 nəfərin nəticəsi araşdırılır.

21 Fev 2022
Elmi

Təhsil naziri Gürcüstanda tədrisi Azərbaycan dilində olan məktəblərin sayının azalmasına münasibət bildirib

"Məktəblərin sayına və keyfiyyətinə təsir edən müxtəlif amillər var. Bu amillərin bəziləri obyektiv, bəziləri isə subyektiv səbəblərlə bağlıdır".

21 Fev 2022
Elmi

Azərbaycanla Gürcüstan arasında ali təhsil sahəsində əməkdaşlıq müzakirə olunub

Gürcüstanda rəsmi səfərdə olan təhsil naziri Emin Əmrullayev İvane Cavaxişvili adına Tbilisi Dövlət Universitetinə (TDU) baş çəkib.