Azərbaycan və Çexiya bu ilin birinci yarısında Praqada keçirilməsi planlaşdırılan siyasi məsləhətləşmələr zamanı siyasi əməkdaşlığın perspektivlərinə nəzər salacaq. Bu barədə Trend-ə Azərbaycanın Çexiyadakı səfirliyindən məlumat verilib.
Məlumatda qeyd olunur ki, görüş zamanı həm ikitərəfli, həm də çoxtərəfli formatlarda siyasi dialoqun perspektivləri, beynəlxalq təşkilatlar çərçivəsində əməkdaşlıq, müqavilə-hüquq bazasının genişləndirilməsi, eləcə də mədəniyyət və təhsil sahələrində əməkdaşlığın genişləndirilməsi və ticari-iqtisadi əlaqələrin inkişafının müzakirəsi planlaşdırılır.
Məsləhətləşmələr Azərbaycan və Çexiya xarici işlər nazirlərinin müavinləri səviyyəsində keçiriləcək. Azərbaycanı danışıqlarda xarici işlər nazirinin müavini Xələf Xələfovun rəhbərlik etdiyi nümayəndə heyəti təmsil edəcək.
Azərbaycan Dövlət Neft Şirkətinin (SOCAR) "Azəriqaz" İstehsalat Birliyinin baş direktoru Azər Məmmədov Salyan rayonunun sakinləri ilə görüşüb.
Baş nazir Əli Əsədov Azərbaycanda fəaliyyət müddəti bitən Belarusun səfiri Andrey Ravkov ilə görüşüb.
Yanvarın 24-də Azərbaycan Respublikası müdafiə nazirinin müavini - Quru Qoşunların komandanı general-polkovnik Hikmət Mirzəyev Türkiyəyə rəsmi səfər edib.
