Dekabrın 14-də Azərbaycan Turizm və Menecment Universitetində (ATMU) “Multikultural dəyərlər və dadlar” mövzusunda tədbir keçirilib.
AZƏRTAC xəbər verir ki, mərasim ölkəmizdə “Multikulturalizm ili”nin başa çatması, Dünya Azərbaycanlılarının Həmrəylik Günü, Yeni il və ATMU-nun nəzdində Bakı Turizm Peşə Məktəbinin fəaliyyətə başlamasının beşilliyi münasibətilə təşkil olunub.
Tədbiri multikulturalizm dəyərlərimizin təbliği istiqamətində atılan addım kimi dəyərləndirən mədəniyyət və turizm naziri Əbülfəs Qarayev multikulturalizmin dinindən, irqindən asılı olmayaraq fərqli düşüncələrə, inanclara sahib müxtəlif mədəniyyətlərin bir yerdə, eyni dövlətdə sülh şəraitində yaşaması demək olduğunu vurğulayıb. Azərbaycan multikulturalizminin dünya modelləri arasında xüsusi yer tutduğunu söyləyən nazir ölkəmizdə multikulturalizmin siyasi, mədəni, ədəbi qaynaqlarının çox zəngin olduğunu bildirib.
Tədbirdə müxtəlif xalqların tələbələr tərəfindən hazırlanan milli yeməkləri iştirakçılara təqdim edilib.
Milli Musiqi və Qlobal Mədəniyyət Cəmiyyəti ilə Azərbaycan–Amerika Musiqi Fondunun birgə təşəbbüsü əsasında 15 yanvar 2021-ci il tarixindən Üzeyir Hacıbəyli adına Beynəlxalq bəstəkarlar müsabiqəsi elan edilib.
Astara rayonu ərazisində Hirkan Milli Parkında baş vermiş yanğının söndürülməsi ilə əlaqədar Fövqəladə Hallar Nazirliyi tərəfindən operativ və təxirəsalınmaz tədbirlər davam etdirilir.
Sumqayıt Kimya Sənaye Parkında “Azərsulfat” MMC-nin “sulfat turşusu istehsalı” layihəsi çərçivəsində tikiləcək zavodun investisiya dəyəri 6 milyon ABŞ dollarıdır.
