Martın 16-19-da Bakıda kişi və qadın idman gimnastları arasında Dünya Kubokunun mərhələ yarışı keçiriləcək. Azərbaycan Gimnastika Federasiyasından apasport.az saytına verilən məlumata görə, turnirdə 23 ölkənin idmançısı iştirak edəcək.
Milli Gimnastika Arenasında 90 kişi və 46 qadın nəyə qadir olduğunu nümayiş etdirəcək.
Belə ki, Dünya Kubokunun ilk 2 günü təsnifat mərhələləri, son 2 günü isə ayrı-ayrı alətlər üzrə finallar baş tutacaq. Yeni Olimpiya dövrünün 2017-ci ildən qüvvəyə minən yeni qaydaları əsasında kişi gimnastları 6, qadın gimnastları isə 4 dəst medal uğrunda mübarizə aparacaqlar.
Azərbaycanı kişi gimnastların yarışlarda Avropa Oyunlarının 5 qat mükafatçısı, Olimpiya Oyunlarının finalçısı Oleq Stepko, həmçinin Murad Ağarzayev, Timur Bayramov və Bense Talas, qadın idman idmançıların turnirində isə Yuliya İnşına, Marina Nekrasova, Mariya Smirnova və Yekaterina Tişkova təmsil edəcəklər.
Məşhur kişi idmançıları arasında Olimpiya çempionları Elefterios Petrunias (Yunanıstan), Kristian Berki (Macarıstan), Olimpiya Oyunlarının gümüş mükafatçısı Filip Ude (Xorvatiya) və Avropa çempionu Aleksandr Şatilov (İsrail) yer alacaq. Qadın gimnastlar mübarizəsində isə 3 qat Olimpiya çempionu Katalina Ponor (Rumıniya) və 4 illiyin ən möhtəşəm yarışının qızıl medalçısı Oksana Çusovitina (hazırda Özbəkistanı təmsil edir) qüvvəsini sınayacaq.
Daha üç azərbaycanlı idmançı 2024-cü ildə Parisdə keçiriləcək Yay Paralimpiya Oyunlarına lisenziya qazanıb.
Azərbaycan gimnastları Portuqaliyanın Santarem şəhərində keçirilən batut gimnastikası, ikili mini-batut və tamblinq üzrə "Scalabis Cup" adlı beynəlxalq yarışda 6 qızıl, 1 gümüş və 1 bürünc medal qazanıblar.
Bu gün 20 yaşadək basketbolçu oğlanlar arasında Avropa çempionatının B divizionunda mübarizəyə start veriləcək.
