Azərbaycan millisi Bakıda Almaniya yığmasına böyük hesabla uduzub - YENİLƏNİB-4

Azərbaycan millisi Bakıda Almaniya yığmasına böyük hesabla uduzub - YENİLƏNİB-4
26 2017 22:05

Futbol üzrə Azərbaycan milli komandası 2018-ci il dünya çempionatının seçmə qrup mərhələsində növbəti oyununu keçirib. "Report"un məlumatına görə, C qrupunda V tur matçında rəqib Almaniya yığması olub.

Tofiq Bəhramov adına Respublika stadionunda baş tutmuş qarşılaşma qonaqların 4:1 hesablı qələbəsi ilə yekunlaşıb. Azərbaycan millisindən yeganə qolu 31-ci dəqiqədə Əfran İsmayılovun ötürməsindən sonra Dmitri Nazarov vurub. Almaniya yığmasının heyətində isə 19-cu və 81-ci dəqiqədə Andre Şürrle, 36-cı dəqiqədə Tomas Müller, 45-ci dəqiqədə Mario Qomes fərqlənib.

Bununla da xallarını 15-ə çatdıran Bundestim qrupda itkisiz liderliyini davam etdirib. 7 xala malik Azərbaycan yığması isə 4-cü pilləyə enib. Buna qrupun paralel keçən görüşündə Çexiyanın səfərdə San-Marinonu 6:0 hesabı ilə darmadağın edərək, xallarını 8-ə çatdırması və 7 xalı olan Şimali İrlandiyanı 3-cü pilləyə endirməsi səbəb olub.

2018-ci il dünya çempionatının seçmə mərhələsi

C qrupu

26 mart

20:00 Azərbaycan - Almaniya - 1:4

Qollar: Dmitri Nazarov, 31 - Andre Şürrle, 19; 81. Tomas Müller, 36. Mario Qomes, 45

Hakimlər: Daniele Orsato, Mauro Tonolini, Riccardo Di Fiore, Marko Guida (hakimlər briqadası İtaliyadandır)

Komissar: Adrian İksari (Moldova)

Hakim-inspektor: Aleksey Spirin (Rusiya)

Bakı. Tofiq Bəhramov adına Respublika stadionu

***21:50

Futbol üzrə Azərbaycan milli komandası 2018-ci il dünya çempionatının seçmə qrup mərhələsi çərçivəsində növbəti oyunda Almaniya yığması yenidən hesabı açıb.

"Report" xəbər verir ki, Andre Şürrle 81-ci dəqiqədə komandasının 4-cü, özünün isə matçda 2-ci  qolunu vurub.

***20:50

Azərbaycan və Almaniya yığmaları arasındakı 2018-ci il dünya çempionatının seçmə qrup matçının ilk yarısı başa çatıb. 

"Report"un məlumatına görə, qonaqlar fasiləyə 3:1 hesablı üstünlüklə çıxıblar.

Qeyd edək ki, oyun Tofiq Bəhramov adına Respublika stadionunda keçirilir. 


***20:46

Futbol üzrə Azərbaycan milli komandası 2018-ci il dünya çempionatının seçmə qrup mərhələsi çərçivəsində növbəti oyunda Almaniya yığması yenidən hesabda irəli çıxıb.

Mario Qomes 45-ci dəqiqədə topu Azərbaycan yığmasının qapısından keçirib: Azərbaycan – Almaniya - 1:3.



***20:36

Futbol üzrə Azərbaycan milli komandası 2018-ci il dünya çempionatının seçmə qrup mərhələsi çərçivəsində növbəti oyunda Almaniya yığması yenidən hesabda irəli çıxıb.

"Report" xəbər verir ki, Tomas Müller 36-cı dəqiqədə topu Azərbaycan yığmasının qapısından keçirib: Azərbaycan – Almaniya - 1:2. 

Hazırda birinci hissə davam edir.



***20:31

Futbol üzrə Azərbaycan milli komandası 2018-ci il dünya çempionatının seçmə qrup mərhələsi çərçivəsində növbəti oyunda hesab  bərabərləşib.

"Report" xəbər verir ki, Dmitri Nazarov hesabı bərabərləşdirib. Azərbaycan – Almaniya - 1:1

O, milli komandamızda 6-cı qolunu vurub. 

***20:21

Futbol üzrə Azərbaycan milli komandası 2018-ci il dünya çempionatının seçmə qrup mərhələsi çərçivəsində növbəti oyunda hesab açılıb.

"Report" xəbər verir ki, Almaniya yığmasının oyunçusu Sürrie 19-cu dəqiqədə komandasını hesabda irəli çıxarıb:- Azərbaycan – Almaniya - 0:1



***20:01

Futbol üzrə Azərbaycan milli komandası 2018-ci il dünya çempionatının seçmə qrup mərhələsi çərçivəsində növbəti oyununa başlayıb.

“Report”un məlumatına görə, Robert Prosineçkinin rəhbərlik etdiyi kollektivlə Tofiq Bəhramov adına Respublika stadionunda Almaniya yığması arasında oyuna start verilib.

Matçı italiyalı baş hakim Daniele Orsato idarə edir. Ona həmyerliləri Mauro Tonolini, Rikkardo Di Fiore və Marko Guida kömək edirlər.

Qeyd edək ki, hesabında 7 xal olan Azərbaycan millisi "C" qrupunda üçüncü pillədə qərarlaşıb. Almaniya 12 xalla birinci, Şimali İrlandiya 7 xalla ikinci pillədə yer alır. Çexiya (5 xal) dördüncü, Norveç (3 xal) beşinci, hesabında xal olmayan San-Marino isə sonuncu yeri tuturlar.


3 Avq 2022
İdman

Azərbaycan millisi AVRO-2023-ə Bakıda start verir

Bu gün kişi voleybolçulardan ibarət Azərbaycan millisi 2023-cü il Avropa çempionatının təsnifat mərhələsində ilk rəsmi matçını keçirəcək. 

3 Avq 2022
İdman

Daha dörd ölkə DÇ-2030-a namizədliyini irəli sürüb

Uruqvay, Argentina, Çili və Paraqvay 2030-cu il dünya çempionatına birgə namizədliyini irəli sürüb.

3 Avq 2022
İdman

PSJ-nin futbolçusu "Roma" ilə müqavilə imzalayıb

Fransanın “Paris Sen-Jermen” klubunun və Niderland millisinin yarımmüdafiəçisi Corcinyo Veynaldum karyerasını İtaliyanın “Roma” futbol klubunda davam etdirəcək.

3 Avq 2022
İdman

Çempionlar Liqası: Bu gün daha 5 oyun keçiriləcək

Bu gün UEFA Çempionlar Liqasında III təsnifat mərhələsinin ilk matçlarına yekun vurulacaq.

3 Avq 2022
İdman

Çempionlar Liqası: "Qarabağ" bu gün Macarıstan klubu ilə qarşılaşacaq

"Qarabağ" bu gün UEFA Çempionlar Liqasında növbəti oyununu keçirəcək.