Dekabrın 14-də Braziliya Xarici Əlaqələr Nazirliyinin binasında “Azərbaycan Respublikası Hökuməti ilə Braziliya Federativ Respublikası Hökuməti arasında ticarət və investisiya əməkdaşlığı üzrə Anlaşma Memorandumu”nun imzalanma mərasimi keçirilib.
Azərbaycanın Braziliyadakı səfirliyindən AZƏRTAC-a bildiriblər ki, sənədi Azərbaycan Respublikası Hökuməti adından ölkəmizin Braziliyadakı səfiri Elnur Sultanov və Braziliya Federativ Respublikası Hökuməti adından bu ölkənin xarici işlər naziri vəzifəsini icra edən Markos Qalvao imzalayıblar.
Anlaşma Memorandumu iki ölkə arasında enerji, infrastruktur, kənd təsərrüfatı, innovasiya və turizm sahələrində əməkdaşlığı, həmçinin birgə işçi qrupun yaradılmasını nəzərdə tutur.
Bu ilin noyabr ayında “Bir Pəncərə” İxraca Dəstək Mərkəzi vasitəsi ilə həyata keçirilən qeyri-neft ixracının dəyəri 16,7 milyon ABŞ dolları olub. Ötən ilin eyni dövrü ilə müqayisədə 36,9 faiz artım müşahidə olunub.
