Azərbaycan ilə Avropa Şurası arasında məhkəmə-hüquq sahəsində səmərəli əməkdaşlıq yüksək qiymətləndirilib

Azərbaycan ilə Avropa Şurası arasında məhkəmə-hüquq sahəsində səmərəli əməkdaşlıq yüksək qiymətləndirilib
14 2017 10:31

Yanvarın 13-də Avropa Şurası Parlament Assambleyası (AŞPA) Monitorinq Komitəsinin Azərbaycan üzrə həmməruzəçiləri Sezar Florin Predanın və Stefan Şennakın rəhbərlik etdiyi nümayəndə heyəti Ali Məhkəmənin sədri Ramiz Rzayev ilə görüşüb.

Ali Məhkəmənin mətbuat xidmətindən AZƏRTAC-a bildiriblər ki, görüşdə Ramiz Rzayev Azərbaycanın məhkəmə sistemi, Ali Məhkəmənin strukturu və fəaliyyəti barədə qonaqlara məlumat verib. Bildirib ki, ölkəmizdə beynəlxalq hüquqi aktların, xüsusən də “İnsan hüquqlarının və əsas azadlıqlarının müdafiəsi haqqında” Avropa Konvensiyasının müddəalarının tətbiqinə, məhkəmə sistemində ən yeni informasiya texnologiyalarından istifadə edilməsinə, İnsan Hüquqları üzrə Avropa Məhkəməsinin presedent hüququnun öyrənilməsinə və tətbiqinə xüsusi əhəmiyyət verilir. Avropa Şurası ilə əməkdaşlıq çərçivəsində ayrıca təlimlər, Ali Məhkəmədə daimi fəaliyyət göstərən həftəlik xüsusi seminarlar, Ali Məhkəmənin hakimləri və aparat işçilərinin təşkilatçılığı və iştirakı ilə Bakıda və regionlarda seminarlar keçirilir. O cümlədən ədalət mühakiməsinin səmərəliliyinin artırılması, əhalinin məhkəmələrə müraciət etmək imkanlarının asanlaşdırılması və ölkənin regionlarının inkişafı məqsədilə yeni məhkəmələrin, regionlarda yeni apellyasiya, inzibati-iqtisadi, ağır cinayətlər və hərbi məhkəmələrin yaradılması, hakimlərin ştat sayının iki dəfə artırılması, məhkəmə aparatlarının strukturunun təkmilləşdirilməsi diqqətə çatdırıb. R.Rzayev məhkəmə infrastrukturunun müasirləşdirilməsi məqsədilə məhkəmələr üçün yeni, müasir binaların istifadəyə verilməsini, “Elektron məhkəmə” informasiya sisteminin yaradılmasını, ədalət mühakiməsinin təkmilləşdirilməsi məqsədilə Ali Məhkəmə tərəfindən mütəmadi məhkəmə təcrübəsinin ümumiləşdirilməsi və bunun nəticəsi olaraq Ali Məhkəmənin Plenumu tərəfindən müvafiq qərarların qəbul edilməsini vurğulayıb.

AŞPA-nın Monitorinq Komitəsinin üzvləri Azərbaycanın müasir tələblərə cavab verən qanunvericilik bazasına xüsusi maraq göstərib, Ali Məhkəmənin Plenumunun qəbul etdiyi müxtəlif qərarların məhkəmə təcrübəsinin təkmilləşdirilməsində əhəmiyyətini yüksək dəyərləndiriblər. Qonaqlar Azərbaycan ilə Avropa Şurası arasında əlaqələrin böyük əhəmiyyət daşıdığını və bu münasibətlərin bundan sonra da davam etdiriləcəyini bildiriblər.

Görüşdə qarşılıqlı maraq doğuran digər məsələlər ətrafında fikir mübadiləsi aparılıb.


22 Sent 2020
Cəmiyyət

Bakıda mağazadakı yanğın söndürüldü - YENİLƏNİB + VİDEO

Bakı şəhərinin Nizami rayonunda dördmərtəbəli yaşayış binasının 1-ci mərtəbəsində ümumi sahəsi 150 m² olan geyim mağazasının texniki otağında elektrik lövhəsi və əşyalar yanıb, yüksək temperaturdan bir ədəd kondisioner əriyib. 

22 Sent 2020
Cəmiyyət

Azərbaycana payız gəldi

Bu gün Azərbaycanda payız fəsli başlayıb.

22 Sent 2020
Cəmiyyət

Azərbaycanda hospital və tibb müəssisəsində qanunsuzluqlar aşkarlandı: Rəhbərliklər cəzalandırıldı - RƏSMİ

Baş Prokurorluğun Cinayət təqibindən kənar icraatlar idarəsi Nərimanov və Neftçala rayon prokurorluqları ilə birlikdə apardığı araşdırmalar nəticəsində paytaxtın Nərimanov rayonunda yerləşən  “Renessans-S” MMC-nin tərkibində fəaliyyət göstərmiş “Medistyle” hospitalının və Neftçala rayonunda yerləşən “ES studio” özəl tibb mərkəzinin qanunsuz fəaliyyəti nəticəsində vətəndaşların hüquqlarına və sağlamlıqlarına xələl vurulması faktları aşkar edilib.

22 Sent 2020
Cəmiyyət

DTX-dən sosial şəbəkədə erməni təxribatları ilə bağlı vətəndaşlara MÜRACİƏT

Ermənistan-Azərbaycan qoşunlarının təmas xəttində hərbi təxribatların intensivləşməsi ilə eyni vaxtda düşmən tərəfi sosial şəbəkə resurslarında saxta azərbaycanlı adlarından və Azərbaycan dilindən istifadə etməklə cəbhə bölgələrində əhali arasında gərginlik və çaxnaşma yaratmaq, eləcə də Silahlı Qüvvələrimizin hərbi bölmələrinin fəaliyyəti, əməliyyat niyyətləri, yerdəyişmələri və s. barədə məlumatlar toplamaq məqsədilə davamlı fəaliyyət göstərirlər.