Azərbaycan mədəniyyət sahəsinə ayrılan xərcləri artıracaq.
Trend-in məlumatına görə, maliyyə naziri Samir Şərifov Milli Məclisin plenar iclasında bildirib ki, 2017-ci il dövlət büdcəsində nəzərdə tutulmuş mədəniyyət sahəsinə xərclər 3 milyon manat artırılacaq.
Nazir qeyd edib ki, həmçinin parlamentin saxlanmasına ayrılan xərclər 850 min manat artırılacaq:
"Mədəniyyət, incəsənət, informasiya, bədən tərbiyəsi və digər kateqoriyaya aid olmayan sahələrə ayrılan xərclər 2017-ci ildə 282,575 milyon manat, o cümlədən mədəniyyət və incəsənət sahəsinə xərclər 120,79 milyon manat səviyyəsində proqnozlaşdırılır".
Bundan əvvəl parlamentin və onun Aparatının saxlanmasına ümumilikdə 23,089 milyon manat ayırmaq planlaşdırılırdı ki, bu da 2016-cı ilin göstəricisini 394,5 min manat üstələyirdi. Bu xərclərin 71,5 faizi əməkhaqlarının ödənilməsinə sərf ediləcək.
Qeyd edək ki, bu gün Milli Məclis Azərbaycanın 2017-ci il dövlət büdcəsi zərfini qəbul edib.
Milli Məclisin sədri Sahibə Qafarova Müstəqil Dövlətlər Birliyinə (MDB) üzv dövlətlərin Parlamentlərarası Assambleyasının plenar iclasında Azərbaycan xalqının faşizm üzərində tarixi qələbədə rolu haqqında danışıb.
İmişli rayonunun Uşaq-Gənclər İdman Şahmat məktəbinin inzibati binasında Dövlət Məşğulluq Agentliyinin və İmişli Rayon İcra Hakimiyyətinin birgə təşkilatçılığı ilə əmək yarmarkası keçirilib.
Prezident İlham Əliyev Azərbaycanın pravoslav xristian icmasını Pasxa bayramı münasibətilə təbrik edib.
