Azərbaycan beynəlxalq antikorrupsiya mübarizəsində fəal iştirak edir

Azərbaycan beynəlxalq antikorrupsiya mübarizəsində fəal iştirak edir
03 2017 11:03

Azərbaycanda korrupsiyaya qarşı Prezident İlham Əliyevin siyasi iradəsi ilə sərt mübarizə aparılır, bu sahədə beynəlxalq əməkdaşlığa mühüm əhəmiyyət verilir. Ölkəmiz 140 dövləti birləşdirən Beynəlxalq Antikorrupsiya Orqanları Assosiasiyasının (IAACA) təşkilatçılarından biri kimi onun işində daim iştirak edir.

Ədliyyə Nazirliyinin mətbuat xidmətindən AZƏRTAC-a bildiriblər ki, fevralın 27-28-də Qətərin paytaxtı Dohada Assosiasiyanın rəhbər orqanı olan İcraiyyə Komitəsinin iclası keçirilib. Tədbirdə qurumun vitse-prezidenti, ölkəmizin ədliyyə naziri Fikrət Məmmədov iştirak edib.

İclasda mühüm təşkilati məsələlər, xüsusilə Assosiasiyanın Konstitusiyasına dəyişikliklərin edilməsi, qurumun gələcək fəaliyyəti və bu barədə IAACA-nın bütün üzvlərinə tövsiyələrin hazırlanması, beynəlxalq əlaqələrinin gücləndirilməsi müzakirə olunub, təşkilatın yeni baş katibinin seçilməsi məsələsinə baxılıb.

Müzakirələr zamanı F.Məmmədov çıxışlar edərək Azərbaycanda dövlət siyasətinin prioriteti olan korrupsiyaya qarşı aparılan qəti mübarizə tədbirləri barədə məlumat verib, ölkəmiz tərəfindən aparılan beynəlxalq antikorrupsiya internet şəbəkəsinin bu qlobal bəla ilə mübarizəyə mühüm töhfə verdiyini bildirib. Habelə təşkilatın inkişafına və antikorrupsiya əməkdaşlığın genişləndirilməsinə dair bir sıra təkliflər irəli sürülüb.

İclas çərçivəsində Assosiasiyanın prezidenti, Qətərin baş prokuroru doktor Ali Al Marri ilə keçirilmiş ikitərəfli görüşdə ölkələrimiz arasında münasibətlərin müxtəlif sahələrdə uğurla inkişaf etdiyi, bu əlaqələrin möhkəmlənməsində dövlət rəhbərlərinin qarşılıqlı səfərlərinin xüsusi rolu qeyd olunmaqla, həmin tarixlərdə Azərbaycan Prezidenti İlham Əliyevin Qətərə rəsmi səfərinin və imzalanmış sənədlərin əhəmiyyəti vurğulanıb.

Söhbət zamanı ədliyyə və prokurorluq sahəsində qarşılıqlı fəaliyyətin perspektivlərinə, korrupsiyaya qarşı qlobal mübarizəyə və əməkdaşlığa dair faydalı fikir və təcrübə mübadiləsi aparılıb.

Tədbir çərçivəsində bir sıra digər dövlətlərin hüquq mühafizə orqanlarının rəhbərləri ilə görüşlər keçirilərək antikorrupsiya sahəsində birgə fəaliyyətə dair faydalı danışıqlar aparılıb.

Keçirilən görüşlərdə, həmçinin Ermənistan-Azərbaycan, Dağlıq Qarabağ münaqişəsinin, xüsusilə Xocalı soyqırımının acı həqiqətləri həmsöhbətlərin diqqətinə çatdırılıb.


28 Mar 2024
Cəmiyyət

Sumqayıtda avtomobil yollarının təmirinə başlanılıb

Azərbaycan Avtomobil Yolları Dövlət Agentliyi Sumqayıt şəhərində avtomobil yollarının əsaslı təmiri ilə bağlı ölkə Prezidentinin Sərəncamına əsasən genişmiqyaslı təmir-tikinti işlərinə başlayıb.

28 Mar 2024
Cəmiyyət

Dövlət İmtahan Mərkəzi auditor seçir

Dövlət İmtahan Mərkəzi (DİM) 2023-2024-cü illər üzrə maliyyə hesabatlarının auditi üçün kotirovka sorğusu elan edib.

28 Mar 2024
Cəmiyyət

Sabah 20° isti olacaq

Mart 29-na gözlənilən hava proqnozu açıqlanıb.

28 Mar 2024
Cəmiyyət

Bu gecə ehtimal edilən ilk Qədr gecəsidir

Bu gecə Azərbaycanda Ramazan ayının ehtimal edilən ilk Qədr (əhya) gecəsidir.

28 Mar 2024
Cəmiyyət

Nazir: “Strateji sahələrin təmsilçilərinə təbriklərimizi çatdırırıq” - FOTO

İqtisadiyyat naziri Mikayıl Cabbarov Azərbaycan Respublikasının dövlət təhlükəsizliyi və xarici kəşfiyyat orqanları əməkdaşlarının peşə bayramları münasibəti ilə təbrik edib.