Azərbaycan Respublikası Birləşmiş Millətlər Təşkilatının üzvlüyünə qəbul edilməsinin 25 illiyini qeyd edir

Azərbaycan Respublikası Birləşmiş Millətlər Təşkilatının üzvlüyünə qəbul edilməsinin 25 illiyini qeyd edir
03 2017 14:40

Azərbaycan Respublikasının BMT yanında Daimi Nümayəndəliyi Azərbaycanın BMT-yə qəbul edilməsinin iyirmi beş illiyi ilə əlaqədar məlumat yayıb. Məlumatda deyilir:

“BMT-nin Baş Məclisi 1992-ci il martın 2-də keçirilmiş 82-ci plenar iclasda BMT Təhlükəsizlik Şurasının 14 fevral 1992-ci il tarixli tövsiyəsinə əsasən Azərbaycan Respublikasını Birləşmiş Millətlər Təşkilatının üzvlüyünə qəbul etmək barədə 46/230 nömrəli qətnamə çıxarıb.

Ötən dövrdə Azərbaycan Respublikası siyasi və iqtisadi baxımdan dinamik müasir dövlətə çevrilib, özünü etibarlı tərəfdaş kimi göstərib, regional və beynəlxalq səviyyədə öz rolunu təsdiq edib.

Azərbaycan Respublikasının dövlət müstəqilliyinin bərpasının iyirmi beşinci ildönümü əlaqədar Azərbaycan Respublikasının Prezidenti cənab İlham Əliyevin imzaladığı 11 oktyabr 2016-cı il tarixli sərəncamda Azərbaycan xalqının dünya mədəniyyətinə töhfəsi, Azərbaycan Respublikası tərəfindən beynəlxalq hüququn subyekti statusu qazanılmasında dövlət müstəqilliyinin bərpa olunmasının əhəmiyyəti, dövlətçilik ənənələrinin möhkəmlənməsində görkəmli nailiyyətlər, bütün sahələrdə yüksək nəticələri qazanılmasına istiqamətlənmiş islahatların reallaşdırılması, iqtisadiyyatın, təhsil, səhiyyə və turizmin inkişafı, strateji enerji və nəqliyyat layihələrinin həyata keçirilməsi, ölkənin mədəniyyətinin zənginləşməsi, regional və beynəlxalq təhlükəsizliyə şərait yaradan insan haqlarının və əsas azadlıqların inkişafı, habelə davamlı inkişaf sahəsində BMT-nin hədəflərinə nail olunması xüsusi qeyd edilib.

Prezident xatırladıb ki, 1991-ci ildən etibarən müstəqillik yollarında ilk addımlarını atarkən Azərbaycan keçirdiyi dərin siyasi, iqtisadi və sosial böhranla yanaşı, Ermənistanın hərbi təcavüzü, azərbaycanlılara qarşı yürütdüyü etnik təmizləmə siyasəti ilə üz-üzə qalmışdı. Prezident vurğulayıb: “Yalnız ümummilli lider Heydər Əliyevin 1993-cü ildə hakimiyyətə qayıdışı və apardığı müdrik siyasət nəticəsində ölkənin məhv olma təhlükəsinə, separatçılıq meyillərinə və başlanan vətəndaş müharibəsinə son qoyuldu, dövlətlə xalqın birliyi təmin edildi”.

Azərbaycan Respublikası Birləşmiş Millətlər Təşkilatının üzvlüyünə qəbul edildiyi andan daim BMT Nizamnaməsinin və beynəlxalq hüququn prinsiplərinə və məqsədlərinə sadiqlik nümayiş etdirir, bu təşkilatı qətiyyətlə dəstəkləyir və onun fəaliyyətində aktiv iştirak edir. Bu dövr ərzində Azərbaycan Birləşmiş Millətlər Təşkilatının iki əsas orqanının - Təhlükəsizlik Şurasının (2012-2013-cü illər) və İqtisadi və Sosial Şuranın (2003-2005-ci illər və 2017-ci ildən başlayaraq növbəti üç illik müddətdə) üzvü, habelə İnsan Haqları Komissiyasının (2005-2006-cı illər), İnsan Haqları Şurasının (2006-2009-cu illər) və təşkilatın digər orqanlarının və strukturlarının üzvü olub.

Azərbaycan Respublikası Qərb ilə Şərqin qovuşuğunda yerləşən, həm Asiyanın, həm də Avropanın tərkib hissəsi olan ölkə kimi, dinlərarası və mədəniyyətlərarası dialoqun inkişafına fəal kömək edir və bu məqsədə nail olmaq üçün öz səylərini davam etdirmək əzmindədir.

BMT Baş Məclisi “Dinlərarası və mədəniyyətlərarası dialoqun, sülh naminə qarşılıqlı anlaşmanın və əməkdaşlığın təşviqi” adlı 71/249 nömrəli qətnaməsində BMT Sivilizasiyalar Alyansının 2016-cı il aprelin 25-27-də Bakıda keçirilmiş VII Qlobal Forumunda qəbul edilmiş “İnklüziv cəmiyyətlərdə birgəyaşama: çağırış və məqsəd” adlı Bakı Deklarasiyasını alqışlayıb.

Azərbaycanın mədəniyyətlər və sivilizasiyalar arasında təbii körpü kimi rolu 2015-ci ildə keçirilmiş Birinci Avropa Oyunlarında və bu il may ayında keçiriləcək İslam Həmrəyliyi Oyunlarında, habelə başqa mühüm beynəlxalq mədəniyyət və idman tədbirlərinin, o cümlədən 2012-ci ildə “Eurovision” beynəlxalq mahnı müsabiqəsinin, 2016-cı ildə “Formula-1” Avropa Qran-prisi yarışlarının və 42-ci Şahmat olimpiadasının keçirilməsində də təzahür edib.

Təəssüf ki, Ermənistan-Azərbaycan münaqişəsinin tənzimlənməsində heç bir ciddi irəliləyiş olmayıb. Ermənistan beynəlxalq hüququn hamılıqla qəbul edilmiş norma və prinsiplərini kobud şəkildə pozaraq, Azərbaycan ərazilərinin, Dağlıq Qarabağ regionunun və ona bitişik 7 rayonun işğalını davam etdirir.

1993-cü ildə BMT Təhlükəsizlik Şurası Azərbaycan ərazilərinin işğal olunmasını pisləyən, onun suverenliyinə və ərazi bütövlüyünə hörməti, beynəlxalq sərhədlərin pozulmazlığını və ərazi əldə etmək üçün güc tətbiq olunmasının yolverilməzliyini təsdiq edən dörd qətnaməni (822, 853, 874 və 884 saylı) yekdilliklə qəbul edib. Təhlükəsizlik Şurası Ermənistanın ərazi iddialarına və hərəkətlərinə cavab olaraq, Dağlıq Qarabağ regionunun Azərbaycanın ayrılmaz tərkib hissəsi olmasını bir daha təsdiqləyib və işğalçı qüvvələrin işğal olunmuş bütün ərazilərdən dərhal, tamamilə və qeyd-şərtsiz çıxarılmasını tələb edib.

Münaqişə yalnız Azərbaycanın suverenliyi və ərazi bütövlüyü əsasında, onun beynəlxalq miqyasda tanınmış sərhədləri daxilində həll edilə bilər. Ermənistan bu faktı nə qədər tez dərk etsə və öz silahlı qüvvələrini Azərbaycanın işğal edilmiş ərazilərindən nə qədər tez çıxarsa, münaqişə bir o qədər tez tənzimlənər, əməkdaşlıq və iqtisadi inkişaf perspektivlərindən hər iki ölkə və onların xalqları qazanar”.


17 İyun 2024
Siyasət

Binəqədidə Tibb İşçiləri Günü münasibətilə tədbir keçirilib

İyunun 12-də Yeni Azərbaycan Partiyası Binəqədi rayon təşkilatı və Tibbi Ərazi Bölmələrini İdarəetmə Birliyinin birgə təşkilatçılığı ilə 17 iyun - Tibb İşçilərinin Peşə Bayramı Günü münasibətilə tədbir keçirilib. Tədbirdə YAP Binəqədi rayon təşkilatının sədri Vüsar İsmayılov, millət vəkili Kamaləddin Qafarov, Tibbi Ərazi Bölmələrini İdarəetmə Birliyinin icraçı direktorunun müşaviri Pərvin Əkbərov, Binəqədi rayonunda fəaliyyət göstərən tibb işçiləri iştirak ediblər.

16 İyun 2024
Siyasət

Kamaləddin Qafarov: “Şuşa Bəyannaməsi hər iki ölkə üçün mühüm tarixi sənəddir”

“Ulu Öndər Heydər Əliyevin “Türkiyə və Azərbaycan bir millət, iki dövlətdir” və Mustafa Kamal Atatürkün “Azərbaycanın sevinci bizim sevincimiz, kədəri bizim kədərimizdir” aforizmləri, əslində, iki ölkə arasında strateji müttəfiqlik əlaqələrinin qısa konseptual formada ifadə edilmiş ideoloji əsası olub. 2021-ci ilin iyunun 15-də Azərbaycan və Türkiyə Prezidentləri tərəfindən Şuşa şəhərində iki qardaş ölkənin imkanlarının birləşdirilməsini və maraqlarının birgə müdafiəsini nəzərdə tutan unikal tarixi sənədin – “Azərbaycan Respublikası ilə Türkiyə Respublikası arasında müttəfiqlik münasibətləri haqqında Şuşa Bəyannaməsi”nin imzalanması ilə bu münasibətlər artıq rəsmi xarakter almış oldu”.

15 İyun 2024
Siyasət

Kamaləddin Qafarov: “ Azərbaycan bu gün qüdrətli bir dövlətə çevrilib”

“Ulu Öndər Heydər Əliyevin adı ilə bağlı olan Milli Qurtuluş Günü Azərbaycan tarixinin ən şanlı qürur səhifələrindən biridir. Dövlət müstəqilliyimizin bərpa olunmasından sonra keçən ilk iki il ərzində ölkəmizin üzləşdiyi ciddi iqtisadi problemlər getdikcə qarşısıalınmaz xaotik proseslərin başlanmasına yol açmışdı. Bu vəziyyət isə öz növbəsində, respublikada hakimiyyəti ələ keçirmiş səriştəsiz və məsuliyyətsiz qrupların dağıdıcı fəaliyyətləri ilə uzlaşaraq ölkəni siyasi böhrana gətirib çıxarmışdı. Vətəndaş müharibəsi, ölkənin bir neçə kiçik marionet dövlətlərə parçalanması və Azərbaycanın vahid suveren ölkə olaraq dünyanın siyasi xəritəsindən silinməsi xalqı gözləyən real perspektivlər idi”.

14 İyun 2024
Siyasət

Bakı-Qazax yolunda iki yeni piyada keçidi inşa olunur

Azərbaycan Avtomobil Yolları Dövlət Agentliyi Bakı-Ələt-Qazax-Gürcüstanla dövlət sərhədi avtomobil yolunun 69-cu km-də yolun hər iki hərəkət istiqamətində (Qaradağ rayonunun Ələt qəsəbəsindən keçən hissə) iki yerüstü piyada keçidinin tikintisini aparır.

14 İyun 2024
Siyasət

Nazir: Gələn il bəzi summativ qiymətləndirmələrin ləğvi məsələsinə baxıla bilər

Şagirdlərin dərs yükünün azaldılması istiqamətində bəzi summativ qiymətləndirmələrin ləğvi məsələsinə 2025-ci ildə baxıla bilər.