Azərbaycan Milli Elmlər Akademiyası “Millers Oils LTD” şirkəti ilə əməkdaşlıq edəcək

Azərbaycan Milli Elmlər Akademiyası “Millers Oils LTD” şirkəti ilə əməkdaşlıq edəcək
09 2017 15:41

Son illərdə Azərbaycan Milli Elmlər Akademiyasında (AMEA) innovasiya fəaliyyətinin səmərəli mexanizm və siyasətlərinin qurulması istiqamətində dünya təcrübəsinin öyrənilməsi, elmi-tədqiqat işlərinin istehsalata tətbiqi üçün müvafiq islahatlar aparılıb.

Bunu AMEA-nın prezidenti, akademik Akif Əlizadə Birləşmiş Krallığın “Millers Oils LTD” şirkətinin icraçı direktoru Ceymi Rayan və şirkətin biznesin inkişafı departamentinin müdiri Martin Qof ilə görüşdə söyləyib.

AMEA-dan AZƏRTAC-a bildiriblər ki, akademik A.Əlizadə elmi və texnoloji nailiyyətlərə əsaslanan innovasiya və yüksək texnologiya sahələrinin genişləndirilməsi istiqamətində işlərin davam etdirildiyini diqqətə çatdırıb, “Millers Oils LTD” şirkəti ilə əməkdaşlığın səmərəli olacağına əminliyini ifadə edib.

C.Rayan AMEA ilə əməkdaşlığa önəm verdiklərini və qısa zamanda bu əlaqələrin prioritet istiqamətlərinin müəyyənləşdiriləcəyini bildirib.

“Millers Oils LTD” şirkətinin nümayəndələri AMEA-nın Yüksək Texnologiyalar Parkında (YTP) istehsal prosesi ilə tanış olublar. Qonaqlara YTP-nin fəaliyyət istiqamətləri barədə məlumat verilib. Bildirilib ki, bu qurumun əsas vəzifəsi elmlə istehsalat arasında birbaşa əlaqənin yaradılması, təcrübə və təcrübə-sənaye miqyasında yeni texnoloji proseslərin mənimsənilməsi, eyni zamanda, neft-kimya və texniki təyinatlı məhsulların istehsal edilməsidir. YTP-də müxtəlif mühərrik, kompressor və hidravlik yağlar, plastik sürtgü materialları kimi 45 adda innovativ məhsul istehsal olunur. Burada istehsal prosesinin keyfiyyət, ətraf mühit, peşə təhlükəsizliyi və əməyin mühafizəsi üzrə idarəetmə sistemlərinin yüksək standartlara cavab verməsini təsdiqləyən ISO sertifikatları alınıb.


17 Apr 2021
Cəmiyyət

Şəhidimiz Ağstafada dəfn edildi - FOTO

İtkin düşmüş hərbi qulluqçuların axtarışı zamanı aprelin 3-də Suqovuşan ərazisində mina partlayışı nəticəsində yaralanmış və bu gün şəhidlik zirvəsinə ucalmış Azərbaycan ordusunun əsgəri Bayramov İlkin Bayram oğlu doğma rayonu Ağstafada torpağa tapşırılıb.

17 Apr 2021
Cəmiyyət

Azərbaycanın yeni kəşf edilən “Zəfər” yatağı ilə bağlı nəticələr AÇIQLANDI

Ölkəmizdə qızıl, mis və gümüş hasil edən “Anglo-Asian Mining Plc” şirkəti 2021-ci illə bağlı hasilat proqnozunu açıqlayıb.

17 Apr 2021
Cəmiyyət

Ceyhun Bayramov: “Postmünaqişə mərhələsinə qədəm qoymuşuq”

“Azərbaycan otuz ilə yaxındır əsas diqqəti danışıqlara yönəltməklə Ermənistanın beynəlxalq hüquq normalarına, beynəlxalq təşkilatların qərarlarına uyğun olaraq, Azərbaycanın beynəlxalq səviyyədə tanınan ərazilərini boşaldacağına ümid edirdi. Azərbaycan bu münaqişənin artmasına yol verməmək, haqqın səsini beynəlxalq birlik tərəfindən duyulması üçün səy göstərib”.

17 Apr 2021
Cəmiyyət

“AstraZeneca” qan laxtalanmasına səbəb olur? - AÇIQLAMA + VİDEO

“AstraZeneca” peyvəndinin ucuz olması bəzi şirkətlərin müəyyən kommersiya maraqlarına toxunur və bu səbəbdən ona qarşı kampaniya aparılır.