İdman, mədəniyyət, təhsil və s. bu kimi sahələrin inkişafına daim dəstək verən Azərbaycan Beynəlxalq Bankı korporativ sosial məsuliyyət layihələrini regionlarda da davam etdirir. Belə regional layihələrdən biri də Salyan rayonunda həyata keçirilib.
Bu barədə Trend-ə bankdan məlumat verilib.
Bankın Salyan şöbəsi 31 Dekabr Dünya Azərbaycanlılarının Həmrəyliyi Günü və Yeni il ərəfəsində rayondakı 1 saylı məktəbin bir qrup şagirdi üçün bank xidmətləri mövzusunda maarifləndirici tədbir təşkil edib. Məktəblilərə əvvəlcə, ümumilikdə, bank fəaliyyəti və ölkəmizin ən aparıcı bankı kimi Azərbaycan Beynəlxalq Bankı haqqında məlumat verilib. Daha sonra şagirdlər arasında bankçılıq haqqında sualları əhatə edən viktorina keçirilib. 1, 2 və 3-cü yerin qaliblərinə mükafatlar təqdim olunub.
Eyni zamanda, tədbirdə iştirak edən bütün şagirdlərə Azərbaycan Beynəlxalq Bankının Yeni il hədiyyələri verilib. Uşaqların fərdi inkişafına, bank-maliyyə sahəsində bilik əldə etməsinə kömək göstərən bu cür tədbirləri Azərbaycan Beynəlxalq Bankı gələcəkdə də davam etdirmək niyyətindədir.
36 filiala və 40 şöbəyə malik olan Azərbaycan Beynəlxalq Bankının məhsul və xidmətləri barədə daha ətraflı məlumatı www.ibar.az internet səhifəsindən, Bankın filial və şöbələrindən, yaxud (012) 937 və *8937 nömrəli Məlumat Mərkəzindən əldə etmək mümkündür.
İqtisadiyyat naziri Mikayıl Cabbarov Yurgen Riqterink ilə görüşüb.
Rusiyanın Primorye diyarının Lesozavodsk şəhərində buzlu yağış səbəbindən fövqəladə vəziyyət elan edilib.
“Azərbaycanda vergi güzəştlərinin hazırlanması metodologiyası üzərində iş gedir”.
Dünyada hərbi münaqişələrin geniş vüsət alması şəraitində dünya iqtisadiyyatında gərginlik və risklər artmaqda davam edir, bunu nəzərə alaraq bu gün müzakirəyə çıxarılan 2024-cü ilin Azərbaycanın dövlət büdcəsi layihəsi mürəkkəb qlobal şəraitə təsadüf edir.
