Aşqabad görüşündə Xəzərdə iqtisadi əməkdaşlıq haqqında sazişin layihəsi müzakirə olunur

Aşqabad görüşündə Xəzərdə iqtisadi əməkdaşlıq haqqında sazişin layihəsi müzakirə olunur
02 2017 13:44

Xəzər dənizi hövzəsi ölkələri arasında ticari-iqtisadi əməkdaşlığa dair sazişin layihəsi Aşqabadda Xəzəryanı dövlətlərin nümayəndələri tərəfindən müzakirə olunur.

Tədbir Türkmənistan Xarici İşlər Nazirliyi, İqtisadiyyat və İnkişaf Nazirliyi, habelə Türkmənistan Prezidenti yanında Xəzər dənizi məsələləri üzrə dövlət müəssisəsi tərəfindən təşkil edilib. AZƏRTAC Türkmənistan KİV-lərinə istinadla xəbər verir ki, Xəzər regionu ölkələrinin müvafiq nazirlik və idarələrinin rəhbərləri və aparıcı mütəxəssislərinin iştirak etdiyi görüşdə Xəzəryanı dövlətlər arasında ticari-iqtisadi əməkdaşlığa dair Türkmənistan tərəfindən hazırlanmış sazişin layihəsi müzakirə edilir.

Belə bir saziş bağlamaq təşəbbüsü 2014-cü ilin sentyabr ayında Həştərxanda Xəzəryanı ölkələrin dövlət başçılarının IV sammitində Türkmənistan Prezidenti Qurbanqulu Berdiməhəmmədov tərəfindən səslənib.

Türkmənistan tərəfinin fikrincə, bu sənəd Xəzəryanı dövlətlər arasında ticari-iqtisadi əlaqələri şaxələndirməyə və Xəzər regionunun mühüm enerji, sənaye və nəqliyyat-tranzit potensialını reallaşdırmağa imkan verəcək.

Danışıqların gedişində daimi fəaliyyətdə olan Xəzər İqtisadi Forumunun yaradılması məsələsinin müzakirə edilməsi də nəzərdə tutulur. Bu forum region ölkələrinin hakimiyyət və işgüzar dairələrinin nümayəndələri üçün səmərəli danışıqlar məkanına çevrilə, habelə regionun investisiya cəlbediciliyinə müsbət təsir göstərə bilər.


3 Fev 2023
Dünya

İzmirdə eyni anda 8 tornado: Əhali qorxuya düşdü - FOTO/VİDEO

Türkiyənin İzmir şəhərində eyni anda 8 tornado əmələ gəlib.

3 Fev 2023
Dünya

Ukraynada Krım və Donbasın azadlığı üçün yeni hücum briqadaları yaradılır

Ukrayna Daxili İşlər Nazirliyində işğal altında olan Krım yarımadasını, həmçinin Luqansk və Donetsk vilayətlərini azad etmək üçün yeni hücum briqadaları yaradılır.

3 Fev 2023
Dünya

Şarl Mişel Kiyevə gedib

Avropa Şurasının rəhbəri Şarl Mişel Ukraynanın paytaxtı Kiyevdədir.

3 Fev 2023
Dünya

Moskvada əlverişsiz hava şəraiti səbəbindən 54 təyyarə reysi ləğv edilib

Hava şəraitinin əlverişsiz olması ilə əlaqədar Moskva aeroportlarında 54 təyyarə reysi gecikib və ya ləğv edilib.

3 Fev 2023
Dünya

Dünya bazarında neft qiymətləri necə dəyişib?

Dünya bazarında neft qiymətləri aşağı düşüb.