Arxeoloqlar Birmada aşkar edilmiş kəhrəbada elmə məlum olmayan həşərat tapıblar.
AZƏRTAC “gazeta.ru”ya istinadla xəbər verir ki, arxeoloqlar tapıntı barədə “Cretaceous Research” jurnalına danışıblar.
Ekspertlər həşəratın 100 milyon yaşı olduğunu bildiriblər. Onun üçkünc başı və irəliyə çıxmış böyük gözləri var. Bu tapıntını mövcud həşərat dəstələrinin birinə də aid etmək mümkün deyil. Onun bədən quruluşu məlum həşəratların birinə də oxşamır. Odur ki, tapılan həşərat ayrıca “Aethiocarenodea” dəstəsinə aid edilib və “Aethiocarenus burmanicus” adlandırılıb.
Həşərat, güman ki, hər şey yeyib. Onun uzun və nazik bədəni, uzun ayaqları var. Görünür ki, o, cəld hərəkət edirmiş, baş və bədən quruluşuna görə isə 180 dərəcə görmə dairəsinə malik olub. Bundan başqa, onun boynunda vəzilər yerləşib. Ola bilsin ki, bu vəzilər yırtıcıları hürküdən maye ifraz edib.
Bu ilin yanvar-iyul aylarında Azərbaycanın pərakəndə ticarət şəbəkəsində istehlakçılara 38 milyard 358,5 milyon manatlıq mal satılıb.
Avqustun 11-də gözlənilən hava şəraiti açıqlanıb.
Fövqəladə Hallar Nazirliyinin “112” qaynar telefon xəttinə daxil olmuş zənglər əsasında Nazirliyin aidiyyəti qurumları tərəfindən ötən həftə ərzində 925 yanğına çıxış və 42 halda köməksiz vəziyyətdə qalma faktı üzrə qəza-xilasetmə əməliyyatları həyata keçirilib.
