Artur Rasizadə offşor şirkətlərə qadağa qoydu

Artur Rasizadə offşor şirkətlərə qadağa qoydu
08 2017 17:30

Nazirlər Kabineti Azərbaycanda qiymətli kağızlar bazarında lisenziyalaşdırılan şəxslərin səhmdarı ola bilməyəcək şirkətlərin qeydiyyata alındığı ofşor zonaların siyahısını təsdiqləyib.

REALPRESS.Az Virtual Azərbaycan-a istinadən xəbər verir ki, baş nazir Artur Rasizadənin imzası ilə müvafiq qərar yanvarın 7-də rəsmi “Xalq qəzeti”ində dərc olunub. Həmin qərar aşağıdakı kimidir:

“Qiymətli kağızlar bazarında lisenziyalaşdırılan şəxslərin səhmdarı ola bilməyən şəxslərin qeydiyyata alındığı ofşor zonaların Siyahısı”nın təsdiq edilməsi barədə “Qiymətli kağızlar bazarı haqqında” Azərbaycan Respublikasının 2015-ci il 15 may tarixli 1284-IVQ nömrəli Qanununun tətbiqi barədə” Azərbaycan Respublikası Prezidentinin 2015-ci il 14 iyul tarixli 566 nömrəli Fərmanının 1.1.5-ci yarımbəndinin   icrasını təmin etmək məqsədi ilə Azərbaycan Respublikasının Nazirlər Kabineti QƏRARA ALIR:

“Qiymətli kağızlar bazarında lisenziyalaşdırılan şəxslərin səhmdarı ola bilməyən şəxslərin qeydiyyata alındığı ofşor zonaların Siyahısı” təsdiq edilsin.

Siyahı qərara əlavə olunur və orada göstərilir ki, aşağıdakı 17 ofşor bölgədə yaradılan şirkətlər Azərbaycanın qiymətli kağızlar bazarında lisenziyalaşdırılan şəxslərin səhmdarı ola bilməyəcəklər: Anqila, Antiqua və Barbuda, Aruba, Baham adaları, Beliz, Kuk adaları, Qrenada, Maldiv adaları, Nauru, Antill (Niderland), Panama, Samoa, Sent-Kits və Nevis, Seyşel, Turk və Kaykos, Vanuatu və ABŞ Virgin adaları.

Marşal, Cersi, Men, Kayman və Britaniyanın Virgin adaları, eləcə də Kipr və Malta kimi təsisçiləri və kapitalının mənşəyi haqda bilgiləri tam və ya qismən gizli saxlayacağına təminat verən ofşor bölgələr bu siyahıda yer almır.

Nazirlər Kabinetinin bu qərarı Azərbaycan hökumətinin offşor zonaların köməyi ilə vergidən yayınmanın və kapital axınının qarşısının alınmasına yönəlmiş səylərin tərkib hissəsidir. Xatırladaq ki, bundan əvvəl Vergilər Nazirliyi offşor zonalarda yerləşdirilən vəsaitlərdən vergi tutulmasına dair təklifləri parlamentə təqdim edib.

A.M.


24 Sent 2020
Dünya

BMT baş katibi: “Virus nəzarətdən çıxıb”

Birləşmiş Millətlər Təşkilatının (BMT) Baş katibi Antonio Quterreş bəşəriyyətin pandemiyanın sınaqlarından keçə bilmədiyini düşünür.

24 Sent 2020
Dünya

Zelenski: “Ukraynada koronavirusun ikinci dalğası yaşanır”

İndi koronavirusla bağlı vəziyyət bütün dünyada gərginləşib, Ukrayna da istisna deyil.

24 Sent 2020
Dünya

Madriddə metrostansiyaları yağış suları basdı - VİDEO

İspaniyanın paytaxtı Madriddə güclü yağışlar metronun işində fasilələrə səbəb olub.

24 Sent 2020
Dünya

Putin Nobel mükafatına namizəd göstərildi

Rusiya Prezidenti Vladimir Putin Nobel mükafatına namizəd göstərilib.