Yanacağın istifadəsi zamanı atmosferə daxil olan mikroskopik hissəciklər demensiyanın (ağılın zəifləməsi) yaranma səbəblərindən biridir. Bu qənaətə ABŞ-ın Cənubi Kaliforniya Universitetinin alimləri aparılan tədqiqatların nəticəsində gəliblər.
AZƏRTAC “Zdorovye” saytına istinadla xəbər verir ki, professor Caleb Finçin başçılığı altında tədqiqatçılar qrupu ABŞ-ın 48 ştatından olan 65-79 yaş arası üç mindən artıq qadınlar arasında araşdırma aparıblar. Tədqiqatın əvvəlində iştirakçıların heç birində Alsgeymer xəstəliyi müşahidə edilməyib. Bu qadınlar hər il beyin pozuntularını müəyyən edə bilən tibbi baxışdan keçiblər. Tədqiqatçılar hazırladıqları xüsusi üsulla iştirakçıların yaşadıqları yerlərdən fərqli olaraq gündəlik havadakı zəhərli maddələrlə təmas zamanı onlara dəyən ziyanı hesablayıblar.
Nəticədə məlum olub ki, maksimal kirli hava şəraitində yaşayan insanlarda digərlərinə nisbətən əqli qabiliyyətin pozulması riski 81, Alsgeymer xəstəliyinin yaranması isə 92 faiz təşkil edir.
Qeyd edək ki, alınan nəticələr qadınların həyat tərzi, maddi imkanları, ümumi vəziyyəti nəzərə alınaraq hesablanıb.
Payızda havaların soyuması ilə bədənin müqaviməti azalır. Orqanizm zəiflədiyi üçün mövsümi xəstəliklərə yoluxma halları da artır.
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.