Almaniyada yalan xəbərlər yayan KİV-lərin cəzalandırılması təklif olunur

Almaniyada yalan xəbərlər yayan KİV-lərin cəzalandırılması təklif olunur
14 Dek 2016 15:07

DW agentliyinin verdiyi məlumata görə, hazırda Almaniyada belə bir təhlükə yaranıb ki, bəzi kütləvi informasiya vasitələri gələn il ölkədə keçiriləcək parlament seçkilərinin nəticələrinə təsir göstərməyə cəhd edə bilərlər. Bundan narahat olan Xristian Demokratlar İttifaqının (XDİ) və Almaniya Sosial-Demokrat Partiyasının (ASDP) daxil olduğu “böyük koalisiya”nı təmsil edən siyasətçilər açıq-aşkar yalan informasiyanın yayılmasına görə cinayət təqibinə başlamağı təklif ediblər.

Bundestaqın daxili işlər komitəsinin sədri, XDİ-dən olan deputat Ansqar Hevelinq “Rheinische Post” qəzetinə bu gün verdiyi müsahibədə deyib: “Hesab edirəm ki, əgər bu kampaniya (informasiya kampaniyası) məqsədyönlü xarakter daşıyırsa, buna görə cəzanı sərtləşdirməyə əsas var”.

XDİ-dən olan digər deputat Patrik Zensburq isə “Funke Mediengruppe” nəşrlərinin jurnalistləri ilə söhbətdə deyib: “Dövlətdə sabitliyi pozmaq niyyəti ilə məqsədyönlü dezinformasiya qanunla təqib edilməlidir”.

Agentlik daha sonra bildirir ki, ASDP-nin Bundestaqdakı fraksiyasının rəhbəri Tomas Opperman da belə hesab edir. Onun fikrincə, “uydurma xəbərlərin, konspiroloji nəzəriyyələrin yayılmasına”, habelə nifrət və düşmənçilik təbliğ etmək yolu ilə ara qızışdırmağa qarşı mübarizənin uğurlu olması üçün hüquqi çərçivələr ardıcıl olaraq məhdudlaşdırılmalı və daha sərt cəzalar tətbiq edilməlidir. Məsələn, bu siyasətçi əmindir ki, facebook şəbəkəsinin sahibləri saxta məlumatları şəbəkədən operativ surətdə kənarlaşdırmalı və belə məlumatları təkzib edən informasiya dərc etməlidirlər.


22 Fev 2020
Dünya

Türkiyədə İslam dünyasının ən böyük kitabxanasının açılışı olub – VİDEO

Türkiyədə İslam dünyasının ən böyük kitabxanasının açılışı olub – VİDEO

21 Fev 2020
Dünya

Dağ başında həyəcanlı anlar: İki saat qayadan yapışıb qaldı - VİDEO

Dağ başında həyəcanlı anlar: İki saat qayadan yapışıb qaldı - VİDEO

21 Fev 2020
Dünya

İranda koronavirusa yoluxanların sayı artıb

Realpress.az Trend-ə istinadən xəbər verir ki, bunu İranın Səhiyyə, Müalicə və Tibbi Təhsil Nazirliyinin mətbuat xidmətinin müdiri Kiyanuş Cahanpur deyib.