Alimlər alternativ giriş-çıxış interfeysi yaradıblar

Alimlər alternativ giriş-çıxış interfeysi yaradıblar
10 Dek 2016 14:19

Massaçusets Texnologiya İnstitutunun saytında yerləşdirilmiş məlumata görə, amerikalı alimlər tərəfindən hazırlanmış avtomatlaşdırılmış zəncir giriş-çıxış interfeysinin funksiyalarını yerinə yetirə bilər.

“ICTnews” Elektron Xəbər Xidməti “naked-science.ru” saytına istinadən yazır ki, indi kompüterlərin proqram hissəsi ilə qarşılıqlı əlaqə üçün ənənəvi giriş-çıxış interfeyslərindən istifadə olunur: klaviatura, “maus”, monitor. Spesifik məsələlərin həlli üçün əlavə qurğular (məsələn, qrafik planşet) tətbiq edilə bilər, ancaq ümumilikdə belə qurğular dəsti çox məhduddur. Massaçusets Texnologiya İnstitutunda “Tangible Media Group” adlı laboratoriya alternativ interfeyslərin hazırlanması ilə məşğul olur.

“ChainFORM” adlandırılmış yeni qurğu servomühərriklərdən ibarət zəncir formasındadır. Servomühərriklərin hər biri mikrokontroller, sistem lövhəsi, işıq diodları və datçiklərdən ibarət kənar birləşdirici karkasla təchiz edilib. Zəncirdən birgə və ya tək-tək istifadə etmək mümkündür, sonuncu vəziyyətdə komponentlər müxtəlif funksiyaları yerinə yetirəcək. İnterfeys, həmçinin hərəkətverici rolunu oynaya, rəngi dəyişdirə və insanın toxunuşlarına reaksiya verə bilər.

Müəlliflər təqdimat zamanı “ChainFORM” qurğusunun müxtəlif imkanlarını nümayiş etdiriblər. Belə ki, zəncirdən rəng seçimi, üçölçülü obyektin formasının dəyişilməsi, valkoder, slayder, coystik və ekran üçün mikrokontroller kimi istifadə edilib. Bundan başqa, interfeys insanın hərəkətlərini qeydə alaraq yenidən canlandırmağa imkan verir.

19 Fev 2020
İT

“Microsoft” korporasiyası “Windows 10” üçün yeniləmənin təhlükəli olduğunu etiraf edib

"Microsoft" korporasiyası sistemdə problemlər yaradan "Windows 10" yeniləməsini geri çağırıb. Bu haqda "Windows Latest" yazıb.

19 Fev 2020
İT

“Windows 7” istifadəçiləri kütləvi hücuma məruz qalıblar

Kibertəhlükəsizlik üzrə mütəxəssislər "Windows 7" sisteminin idarəetməsi altında işləyən sistemlərə qarşı edilən kiberhücumların artmasını qeydə alıb. Bu haqda "Help Net Security" məlumat verib.  

19 Fev 2020
İT

2 ildən sonra smartfonları enerji ilə doldurmağa ehtiyac qalmayacaq

Kvant nöqtələrinə malik plyonka əsasında işığın enerjiyə çevrilməsi üçün yeni texnologiya ilə təchiz edilmiş ekran sayəsində smartfonların enerji ilə doldurulması avtomatik və istifadəçidən xəbərsiz baş verəcək. Avstraliyalı mühəndislər komandası kvant nöqtələrində günəş "dərisi" hazırlamaqda yeniliyə imza atıblar. Onlar günəş enerjisinin təsiri altında elektrik cərəyanının hasili üzrə faydalı iş əmsalını 25% artırmağa nail olublar. Bu rekord sözügedən texnologiyanın kommersiya tətbiqi istiqamətində mühüm addımdır.

19 Fev 2020
İT

Dünya İKT bazarının həcmi 4,30 trilyon dollara çatacaq

“International Data Corporation” (IDC) şirkəti 2020-ci ildə dünya informasiya-kommunikasiya texnologiyaları (İKT) bazarında 3,6 faizlik artım proqnozlaşdırır.

19 Fev 2020
İT

“Microsoft” korporasiyası “Android” üçün “Office” çoxfunksiyalı proqramını təqdim edib

“Microsoft” korporasiyası bir neçə il mobil qurğuların istifadəçilərinə öz sənəd, cədvəl və təqdimatlarını 3 müxtəlif tətbiq vasitəsilə redaktə etmək imkanı yaratmışdı. Amma indi şirkət həmin tətbiqləri “Microsoft Office” adlı ümumi ofis paketində birləşdirməyə dair qərar verib. Sözügedən proqram artıq “Google Play” proqramlar mağazasında əlçatandır.