Aktivləşdirilmiş kömür tibdə çoxdan istifadə olunur və çox effektli və ziyansız vasitə kimi tanınır.
Kömür bağırsaqlarda olan ziyanlı maddələri özünə hopdurur və çölə çıxardır. Kömür zəhərlənmə zamanı ən tanınmış ilk tibbi yardım vasitəsidir.
Həmçinin kömür profilaktik vasitə kimi də istifadə oluna bilər. Kömür orqanizmdən toksinlər, şlaklar, radionukleidlər, ağır metalların duzları və s. ziyanlı maddələri çıxardır, arıqlamağa kömək edir, dərinin vəziyyətini yaxşılaşdırır.
Profilaktik məqsədlə kömür gündə 1 dəfə səhər yeməkdən əvvəl qəbul olunur. 10 kq bədən çəkisi üçün 1 həb götürülür. Məsələn, çəkiniz 62 kq olduqda — 6 həb, 67 kq olduqda — 7 həb tibbi kömür götürülür. Həbləri yaxşı əzin, az miqdarda balla qarışdırın və qəbul edin. Sonra 1-2 stəkan ilıq su için.
Bunu 3-4 gün ərzində etmək lazımdır. Bu proseduru 2 aydan sonra təkrar edə bilərsiniz. Sizdə xroniki mədə-bağırsaq sistemi xəstəlikləri varsa, qəbizliyə meyllisinizsə, bu metoddan istifadə etməyin.
Kömürü tez-tez və uzun müddət ərzində qəbul etmək olmaz. Ziyanlı maddələrlə birlikdə kömür orqanizmdən faydalı maddələri də xaric edir ki, bu vitamin və mineral çatışmazlığı ilə nəticələnə bilər.
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.
