Akademik Zərifə Əliyeva adına Liseydə ulu öndər Heydər Əliyevin xatirəsinə həsr olunmuş sərgi–konfrans keçirilib

Akademik Zərifə Əliyeva adına Liseydə ulu öndər Heydər Əliyevin xatirəsinə həsr olunmuş sərgi–konfrans keçirilib
08 Dek 2016 17:49

Dekabrın 8-də Akademik Zərifə Əliyeva adına Liseydə ümummilli lider Heydər Əliyevin xatirəsinə həsr olunmuş “Ulu öndər Heydər Əliyevin şəxsi kitabxanasından Azərbaycan Milli Kitabxanasına hədiyyə etdiyi kitabları” mövzusunda sərgi-konfrans keçirilib.

Tədbir M.F.Axundzadə adına Azərbaycan Milli Kitabxanası, Bakı Dövlət Universitetinin (BDU) kitabşünaslıq və nəşriyyat işi kafedrası və akademik Zərifə Əliyeva adına Lisey tərəfindən təşkil olunub.

AZƏRTAC xəbər verir ki, tədbir iştirakçıları Fəxri xiyabana gələrək ümummilli lider, müasir müstəqil Azərbaycan dövlətinin memarı və qurucusu Heydər Əliyevin xatirəsini ehtiramla yad edib, məzarı önünə gül dəstələri qoyublar.

Görkəmli oftalmoloq alim, akademik Zərifə xanım Əliyevanın da xatirəsi yad olunub, məzarı üzərinə güllər düzülüb.

Sərgi-konfrans Azərbaycan Respublikasının dövlət himninin səsləndirilməsi ilə başlanıb.

Əvvəlcə tədbir iştirakçıları Ulu Öndərin 1995-ci ildə şəxsi kitabxanasından Azərbaycan Milli Kitabxanasına hədiyyə etdiyi kitablarla tanış olublar.

Konfransda akademik Zərifə Əliyeva adına Liseyin direktoru Mehriban Vəliyeva Heydər Əliyev siyasətinin uğurlu nəticələrindən danışıb, dahi rəhbərin ideyalarının Prezident İlham Əliyev tərəfindən qətiyyətlə həyata keçirildiyini bildirib.

Ümummilli lider Heydər Əliyevin gənclərə, onların təhsilinə daim böyük diqqət və qayğı göstərdiyini söyləyən direktor qeyd edib ki, Ulu Öndər mədəniyyətin inkişafına, kitabxanaların zənginləşdirilməsinə xüsusi əhəmiyyət verirdi.

M.Vəliyeva Heydər Əliyev ideyalarının əbədi yaşayacağını vurğulayıb.

Azərbaycan Milli Kitabxanasının direktoru Kərim Tahirovun “Kitaba və mütaliəyə münasibətdə Heydər Əliyev nümunəsi”, BDU-nun Kitabşünaslıq və nəşriyyat işi kafedrasının müdiri Knyaz Aslanın “Yeniyetmələrin və gənclərin mənəvi tərbiyəsində Heydər Əliyevin zəngin irsinin əhəmiyyəti”, kitabşünaslıq və nəşriyyat işi kafedrasının dosenti Rasim Süleymanovun “Ulu öndər Heydər Əliyev və Azərbaycanın kitab mədəniyyəti” mövzusunda məruzələri dinlənilib.

Ümummilli lider Heydər Əliyevin misilsiz tarixi xidmətlərindən, şəxsiyyətinin böyüklüyündən bəhs edən məruzəçilər bildiriblər ki, Ulu Öndər milli-mənəvi dəyərlərimizin qorunub saxlanılmasına və inkişaf etdirilməsinə xüsusi önəm verirdi. Dahi rəhbər Heydər Əliyev kitaba bilik, zəka mənbəyi, kitabxanalara müqəddəs bilik məbədi kimi baxırdı.

Tədbirdə məktəblilərin iştirakı ilə ədəbi-bədii kompozisiya nümayiş etdirilib.


25 İyun 2022
Cəmiyyət

Türkiyə Azərbaycana kərə yağı ixracını 34 dəfə artırıb

Bu ilin ilk dörd ayında Azərbaycan xaricdən 37,165 milyon ABŞ dolları dəyərində 6 min 848 ton kərə yağı alıb.

25 İyun 2022
Cəmiyyət

Bakıdan Füzuliyə yola düşən ilk müntəzəm sərnişin avtobusu mənzil başına çatıb - YENİLƏNİB + FOTO

Bakı-Füzuli istiqamətində yola düşən ilk müntəzəm sərnişin avtobusu mənzil başına çatıb.

25 İyun 2022
Cəmiyyət

Hərbi xidmətə çağırılanların NƏZƏRİNƏ

Azərbaycan Respublikasında 2022-ci ilin iyul ayında müddətli həqiqi hərbi xidmətə göndəriləcək çağırışçılar Silahlı Qüvvələr üzrə xidmət yerlərinə təyinatla bağlı Səfərbərlik və Hərbi Xidmətə Çağırış üzrə Dövlət Xidməti (SHXÇDX) tərəfindən iyunun 25-də SMS vasitəsilə məlumatlandırılıblar.

25 İyun 2022
Cəmiyyət

Sabah yağış yağacaq, şimşək çaxacaq

Azərbaycan ərazisində iyunun 26-da gözlənilən hava şəraiti haqda proqnoz açıqlanıb.

25 İyun 2022
Cəmiyyət

“Qarabağ” bu gün Rumıniya klubu ilə oynayacaq

Azərbaycan çempionu “Qarabağ” bu gün təlim-məşq toplanışında olduğu Avstriyada ilk yoxlama oyununu keçirəcək.