Şamaxı rayonu ərazisinə və Ağsu dolaylarına yağan güclü qar nəticəsində yollarda yaranmış problem aradan qaldırılıb.
Bu barədə Trend-ə "Azəravtoyol" Açıq Səhmdar Cəmiyyətinin mətbuat xidmətinin rəhbəri Anar Nəcəfli sdeyib.
A.Nəcəfli bildirib ki, bu gün səhər saatlarında "Azəravtoyol" ASC-nin əməkdaşları xüsusi texnikalarla həmin ərazidəki yolları qardan təmizləyib və avtomobillərin normal hərəkəti təmin olunub: "Həmçinin, respublikanın dağlıq ərazilərinə ötən axşam və gecə yağan qar səbəbi ilə hazırda avtomobil yollarında problem müşahidə olunmur. Yollara cəlb olunmuş qar təmizləyən texnika və canlı qüvvə tərəfindən avtonəqliyyat vasitələrinin hərəkətində təhlükəsizlik və fasiləsizlik təmin olunub. Buna baxmayaraq, sürücülər bu cür hava şəraitinə hazır olmalıdırlar. İdarə edilən avtonəqliyyat vasitələri qış şinləri ilə təchiz olunmalı və texniki cəhətdən saz vəziyyətdə olmalıdır".
Qeyd edək ki, yanvarın 22-də axşam saatlarında yağan qar Ağsu dolaylarında və Şamaxı rayonunun bəzi ərazilərində avtomobillərin hərəkətinə problemlər yaratmıışdı.
Daşqın zamanı zərər görən evlərin yerində inşa olunan yeni evlərin qazlaşdırılması başa çatdırılıb.
Baku TV əməkdaşları Füzuli rayonunun Merdinli kəndində olub.
Müdafiə Nazirliyi Vətən müharibəsində şəhid olmuş hərbi qulluqçuların yeni siyahısını dərc edib.
