Asiya İnfrastruktur İnvestisiya Bankı (AİİB) Trans-Anadolu Boru Kəməri (TANAP) layihəsi üçün ayırdığı krediti təsdiq edib.
REALPRESS.Az Report-a istinadən xəbər verir ki, kreditin məbləği 600 mln. dollardır.
Bu, AİİB-in Dünya Bankı Qrupu ilə birgə maliyyələşdirdiyi multi-maliyyələşmənin bir hissəsidir. 2016-cı ilin dekabrın 20-də isə Dünya Bankının da Direktorlar Şurası TANAP-a 800 mln. dollarlıq kredit ayrılmasına dair qərar qəbul edilib.
Qərara görə, həmin vəsaitin 400 mln. dollarlıq hissəsini Azərbaycan dövlətinin zəmanəti ilə “Cənub Qaz Dəhlizi” (SGC) QSC, digər hissəsini isə Türkiyə dövlətinin zəmanəti ilə “BOTAŞ” şirkəti əldə edib.
Qeyd edək ki, TANAP kəməri ümumi uzunluğu 3500 km olan Cənub Qaz Dəhlizi layihəsinin 1850 km hissəsini yaxud 53%-ni təşkil edir. Plana görə, “Şahdəniz” qazı TANAP vasitəsi ilə 2019-cu ildə Türkiyəyə, 2020-ci idlə isə Trans-Adriatik Boru Kəməri (TAP) ilə Avropaya çatdırılacaq.
İlkin mərhələdə illik 16 mlrd. kubmetr qazın SGC vasitəsi ilə ötürülməsi nəzərdə tutulur ki, onun 10 mlrd. kubmetri Türkiyənin, 6 mlrd. kubmetri isə Avropa ölkələrinin tələbatını ödəyəcək.
Ümumi dəyəri 9 mlrd. dollar civarında olan TANAP-da Azərbaycan Dövlət Neft Şirkəti (SOCAR) 58%, “BOTAŞ” 30%, BP isə 12% paya sahibdir.
İqtisadiyyat naziri Mikayıl Cabbarov Yurgen Riqterink ilə görüşüb.
Rusiyanın Primorye diyarının Lesozavodsk şəhərində buzlu yağış səbəbindən fövqəladə vəziyyət elan edilib.
“Azərbaycanda vergi güzəştlərinin hazırlanması metodologiyası üzərində iş gedir”.
Dünyada hərbi münaqişələrin geniş vüsət alması şəraitində dünya iqtisadiyyatında gərginlik və risklər artmaqda davam edir, bunu nəzərə alaraq bu gün müzakirəyə çıxarılan 2024-cü ilin Azərbaycanın dövlət büdcəsi layihəsi mürəkkəb qlobal şəraitə təsadüf edir.
