AİDA İslam İnkişaf Bankı ilə əməkdaşlığı genişləndirir (FOTO)

AİDA İslam İnkişaf Bankı ilə əməkdaşlığı genişləndirir (FOTO)
15 Dek 2016 09:09

14-15 dekabrda Azərbaycan Xarici İşlər Nazirliyinin Beynəlxalq İnkişafa Yardım Agentliyinin (AİDA) rəhbəri Əşrəf Şıxəliyev İslam İnkişaf Bankı tərəfindən Səudiyyə Ərəbistanının Ciddə şəhərində təşkil edilmiş “İslam İnkişaf Bankının üzv ölkələri arasında davamlı inkişaf nəticələri üzrə tərəfdaşlığın miqyasının artırılması və möhkəmləndirilməsi” tədbirində iştirak edib.

Nazirliyin mətbuat xidmətindən Trend-ə verilən məlumata görə, sözügedən tədbirin keçirilməsinin əsas məqsədi İslam Əməkdaşlıq Təşkilatının üzv dövlətlərinin inkişafa yardım agentlikləri arasında informasiya mübadiləsinin gücləndirilməsi və əməkdaşlıq münasibətlərinin təşviq edilməsidir.

AİDA-nın fəaliyyəti haqqında tədbir iştirakçıları üçün geniş təqdimat keçirilib.

Görüş çərçivəsində AİDA Agentliyinin rəhbəri Ə.Şıxəliyev və İslam İnkişaf Bankının prezidenti Bandar Haccar Cənub-Cənub Əməkdaşlığı və Qarşılıqlı Əlaqə üzrə Niyyət Protokolunu imzalanıb. Sənəddə tərəflər arasında müxtəlif sahələr üzrə əməkdaşlığı inkişaf etdirmək üçün təcrübə və bilik mübadiləsi, təlim və seminarların təşkili və mütəxəssislərin qarşılıqlı şəkildə ezam edilməsi nəzərdə tutulur.

Qeyd edək ki, AİDA İslam İnkişaf Bankı ilə birgə Afrika ölkələrində “Qarşısı alına bilən görmə qabiliyyətinin itirilməsi ilə mübarizə” kampaniyasının həyata keçirilməsi çərçivəsində əməkdaşlığı davam etdirir. Kampaniyanın 2009-2015-ci illəri əhatə edən birinci mərhələsi çərçivəsində 8 Afrika ölkəsində görmə qabiliyyətini tam və ya qismən itirmiş 50000-dən çox insan ödənişsiz əsasda həyata keçirilmiş katarakt əməliyyatları nəticəsində öz sağlamlığına qovuşub.




28 Mar 2020
Siyasət

Vilayət Eyvazovdan yeni TƏYİNAT

Daxili İşlər orqanlarında növbəti təyinat olub.

28 Mar 2020
Siyasət

Deputatların heç birində koronavirus aşkarlanmadı – RƏSMİ

Milli Məclisin deputatlarının koronavirus təhlükəsi ilə əlaqədar keçdikləri həkim müayinələrinin nəticələri açıqlanıb.

27 Mar 2020
Siyasət

Prezident Adil Qəribovu təltif etdi - SƏRƏNCAM

Prezident İlham Əliyev Adil Qəribovun təltif edilməsi haqqında sərəncam imzalayıb. 

27 Mar 2020
Siyasət

İlham Əliyev Rauf Babayevin vəfatı ilə bağlı nekroloq imzaladı

Prezident İlham Əliyev Xalq artisti Rauf Babayevin vəfatı ilə bağlı nekroloq imzalayıb. 

27 Mar 2020
Siyasət

Milli Məclisdə informasiya mübadiləsi internet üzərindən uğurla davam etdirilir

Milli Məclis Sədrinin təşəbbüsü ilə ölkəmizdə koronavirus (COVID-19) infeksiyasının yayılmasına qarşı görülən sistemli tədbirlərin tərkib hissəsi kimi parlamentdə bu sahədə məqsədyönlü işlər aparılır.