ABŞ-ın Milli Təhlükəsizlik Agentliyinin (MTA) sabiq rəhbəri, general Kit Aleksander apreldə fəaliyyətə başlayacaq Yaponiya İnformasiya Texnologiyalarının Təşviqi Agentliyinin tərkibinə daxil olacaq. Bu barədə NHK telekanalı məlumat yayıb.
Kit Aleksander 2005-2014-cü illərdə MTA-ya rəhbərlik edib. General həmin vəzifədən “Snoudenin işi” adlandrılan qalmaqala görə kənarlaşdırılıb. Mərkəzi Kəşfiyyat İdarəsinin və Milli Təhlükəsizlik Agentliyinin sabiq əməkdaşı bu qurumlar tərəfindən yalnız terrorçuluq fəaliyyətində şübhəli bilinənlər barədə deyil, eyni zamanda, qanunlara tabe olan vətəndaşlar, o cümlədən bir çox xarici ölkələrin yüksək vəzifəli məmurları və rəhbərləri haqda məlumatları 2013-cü ildə kütləvi-informasiya vasitələrinə ötürmüşdü.
İctimailəşən məlumatlar geniş rezonans doğuraraq, həm ölkə daxilində, həm də ABŞ-ın izləmə obyekti olan müttəfiqləri arasında MTA-nın kəskin tənqidinə səbəb olmuşdu.
Yapon agentliyinin qənaətinə görə, yeni qurumun əməkdaşları K.Aleksanderin böyük təcrübəsindən çox faydalana bilərlər. Belə ki, yeni yaradılan agentliyin fəaliyyətinə yapon kompaniyalarından və müəssisələrindən məlumatların sızmasının qarşısını almaq da daxil olacaq.
MTA-nın məxfi məlumatlarının kənara sızması ilə bağlı ən böyük hadisə məhz K.Aleksanderin bu quruma rəhbərlik etdiyi dövrdə baş verib. O, yapon şirkətlərinin göndərəcəyi 100 əməkdaşa xüsusi olaraq yaradılan haker hücumunu modelləşdirən proqram vasitəsilə kiberhücumların qarşısını almağı öyrədəcək.
Azərbaycan Mərkəzi Bankının bu günə olan rəsmi valyuta məzənnələri açıqlanıb.
Çinin 127 milyon əhalisi olan Quandun əyalətindəki daşqın son 100 ilin ən böyük ikinci təbii fəlakəti hesab olunub.
