ABŞ-da neft ehtiyatlarının azalması qiymətin 54 dollar/bareli keçməsinə səbəb olub

ABŞ-da neft ehtiyatlarının azalması qiymətin 54 dollar/bareli keçməsinə səbəb olub
05 2017 11:12

ABŞ-ın neft ehtiyatları 25-31 mart həftəsində2016-cı ildən bugünədək ən yüksək həcmli azalma göstərib. "Report" Amerika Neft İnstitutunun (API) hesabatına istinadən xəbər verir ki, ABŞ-ın xam neft ehtiyatları 1,83 mln. barel azalıb və tarixi rekord səviyyədən aşağı düşüb.

Qeyd edək ki, API göstəricisi ABŞ Energetika Nazirliyi Energetika İnformasiyaları Agentliyinin (EİA) bu gün, aprelin 5-də Bakı vaxtı ilə saat 18:30-da açıqlayacağı rəsmi neft ehtiyatları göstəricisinin ilkin siqnalı kimi qəbul olunur. Analitiklər ABŞ-da neft ehtiyatlarının rəsmi göstəricisinin 1,5 mln. barel azalacağını proqnozlaşdırır. Lakin görünən odur ki, neft ehtiyatlarında azalma bir qədər çox ola bilər.

"Report"un analitik qrupu bildirir ki, "Brent" markalı neftin qiyməti 50 dollar/barel səviyyəsinə endikdən sonra dünyada və ABŞ-da neft ehtiyatlarının azalması xəbərləri ilə artmağa başlayıb və hazırda 54 dollar/bareldən baha satılır. Bunun digər səbəbi kimi OPEC təşkilatının apreldə keçirəcəyi iclasda neft hasilatının azaldılması ilə bağlı 30 noyabr Vyana anlaşmasını uzada biləcəyi barədə səsləndirdiyi fikirlər olub.

Analitik qrup neft qiymətlərinin tədricən bu səviyyədən yüksələrək may ayında 65 dollar/barelə çatacağını ehtimal edir: "Daha əvvəl də qeyd etdiyimiz kimi, "Brent" markalı neft 50,47 səviyyəsindəki boşluğu artıq doldurub və yuxarı istiqamətdə hərəkətə başlayıb".


2 Mar 2021
Dünya

Lukaşenko Rusiya ilə Belarusun birləşməsinə qarşı çıxdı

Dünya o qədər dəyişib ki, Rusiya ilə Belarus arasında birləşmə ehtimalını ciddi şəkildə düşünmək ağılsızlıq olardı.

2 Mar 2021
Dünya

Pakistanda parlamentdə dava düşdü - VİDEO

Pakistanın Sind əyalət məclisində deputatlar arasında dava düşüb.

2 Mar 2021
Dünya

Siciliyaya göydən daş yağdı – FOTO/VİDEO

İtaliyanın Siciliya şəhəri “daş yağışına” tutulub.

2 Mar 2021
Dünya

Pentaqon Ukraynaya 250 milyon dollar yardım edəcək

ABŞ Ukraynaya hərbi sahənin inkişafı üçün 250 milyon ABŞ dolları yardım edəcək.

2 Mar 2021
Dünya

Rusiyada son sutkada 441 nəfər COVID-19-dan ölüb

Rusiyada son bir gündə daha 10 565 nəfərə COVID-19 diaqnozu qoyulub.